راديو النجاح – قديش مهم مع أوس الغول السؤال القوي – الحلقة التاسعة
-السؤال القوي مش حلقة من حلقات لستاند اب كوميدي مع أحدى أبطالها اللي بضحكونا من خلال الأشياء اللي بقدومها السؤال القوي هو اللي بخلينا نواجه سؤال مش مهم نعرف انجاوبه ولا مهم كم بنحتاج لزمن لنعرف نعبر عن محتوى اجابتنا السؤال القوي شعاع محاولة للوعي بوصول لزوايا مخنا ابنتعرف فيه على مكنونات أفكار بتفتح النا آفاق ومساحات واسعة لنمارس شي إسمه التأمل.
احيانا طرح اسئلة العميقة أفضل (بكثير) من الحصول على إجابات صحيحة في الحياة، هل عمرنا فكرنا للحظة لنركز على الأشياء الصغيرة اللي ممكن تساهم بطريقة أو بآخرى في صناعة يوم مميز، معقول عنا القدرة لنعرف التفاصيل للصغيرة اللي ممكن تلهمنا أو تسعدنا أو حتى تحسسنا بالأمان، في كثير حوالينا عنده طقوس بسيطة بحب يمارسها أثناء الصباح مثل فنجان قهوة مع حد كتير بحبه أو مكاملة هاتفيه يحكي فيها مع أكتر حد بتمناله الخير وقت الصبح او المسا، ممكن تكنيكات بسيطة بطريقة تناولنا لأكل معين أو حتى لنشرب شي معين بوقت وبطريقة معينة.
على غير المتوقع كان أكثر سؤال واجهته بحياتي حروف إجابته مليان حيره وعجز كان الأمر أشبه بقنبله مزروعه بين الكلمات كل ما أحاول أبني وألملم إجابه بتنفجر هالقنبلة بوجه لامنطقية تفكيري الضيق وابتتبعثر الكلمات هالسؤال كان إيش هو أصغر طموحاتك؟، في زمن بنهتم فيه بالحصول على أكبر صفقات العمر وتحقيق أكبر أحلام الحياة والحصول على أكبر نسبة أرباح في تاريخ المبيعات والتسلسل للوصل لقمة أكبر راتب في سلمنا الوظيفي بننسى في كومة التفكير في الأشياء للكبيرة أدق التفاصيل لصغيرة.
للحظة وإحنا نتذكر قصص الماضي الجميلة اللي دايماً بتمر على ذاكرتنا لتكون بلسم ليخفف آلم ومسؤولية مهمام مطلوبة منا بشكل يوم بالحياة كلنا بهديك اللحظة بنذكر تفاصيل صغيرة عن شو كنا لابسين وشو أكتر لعبة أسعدتنا وعن مغامرات الطفولة المميزة، ومواقف ضحكتنا حتى البكاء مع مجموعة من أصدقاء طفولة أو دراسة بنعرف عندها إيش أهمية التفاصيل وكيف ممكن تساهم في تقديم يوم جميل في وسط أعبائنا اليومية ومطلوباتنا الحياتية.
قديش مهم نعرف إنه إحنا بنحتاج لنجاح واحد صغير ليكون كفيل إنه يصنع منا أشخاصاً لا يمكن لتحديات الحياة مجتمعة أنها توقفهم، فقط خلونا نحط حلم بسيط لنحققه، بعدها رح نكتشف إنه الأحلام الصغيرة حتسير كبيرة بشكل مش رح نقدر نتصوره.
بضحك أكتير لما أتذكر إنه امتلاك دراجة هوائية كان أكبر أحلامي، لما أرسم اليوم أحلام بحاول احققها لإنه ببساطة الحياة محاولة.
