راديو النجاح – قديش مهم مع أوس الغول – محطة انكسار أم نقطة تحول
-كلنا ما بنحب المعاناة لما بتمر أوقاتها، وفي حقيقة الأمر هي من أكثر الأشياء الي بتفيدنا لأنها بكل بساطة بتكسر القشرة اللي بتغطي قلوبنا وبتفرغنا من الأكاذيب اللي تشبثنا فيها عن هويتنا، وسبب وجودنا، وكيف بمشي هاد العالم في الواقع.
ذاكر أكبر تحدي واجهته بحياتك، ذاكر دموعك، ذاكر ألمك، ذاكر كيف كنت تشوف العالم، كنت تشوفه بإيطار مرجعي يائس لإنه كنا نشوف العالم بأعين حزينه ومحبطه.
كلنا لما نتجاوزنا التحديات اللي واجهناها شفنا الأمور بدت تتحسن شفنا بعدها العالم صار افضل لإنه ارجعنا لحالة البهجة الداخلية تعيتنا ومن هالشعور انعكس على العالم الخارجي فرجعنا نشوف العالم أفضل.
هي دورة حياة بتنتقل بين الأمل والآلم الكر والفر و لازم داخل هالدائرة نركز على الدروس اللي تعلمناها من الحياة ودايماً بعد كل تحدي بنتجاوزه خلينا نسأل أنفسنا، إيش علمنا هاد الدرس عن الكون أو عن حالنا أو حتى عن اللي حوالينا.
ما عمرك نتخيل إنه ممكن نمتلك الحكمة والمعرفة اللي عنا لولا العوائق اللي واجهناها والأخطاء اللي وقعنا فيها، والمعاناة اللي قاسيناها، خلينا كلنا اليوم نعترف إنه الآلم معلم إلنا وإن الفشل هو طريق سريع للنجاح، خلونا كلنا اليوم نشوف المتاعب كنعمة ونلتقط رسالة الحياة ونتعلم منها.
قديش مهم نمسح دموعنا ونستعيد قوتنا لإنه هالعالم بانتظارنا اليوم وإنه نتذكر إنه مافيه شي إسمه أخطاء في الحياة، فقط في شي منسميه دروس، ما في شي إسمه تجربة سلبية، فيه فرص للنمو والتعلم والتقدم للأمام في الطريق السيطرة الذاتية، من كفاحنا بنمتلك القوة، وحتى آلمنا ممكن يكون المعلم الأعظم… بالحياة إحنا اللي من قرر تكون أصعب المواقف محطة إنكسار توقفنا أو نقطة تحول تخلينا نعيد احساباتنا وننطلق من جديد.
