الحلقة التاسعة من برنامج عسل ولوز – ارتفاع ضغط الدم
[soundcloud url=”https://api.soundcloud.com/tracks/329819939″ params=”color=ff5500&auto_play=false&hide_related=false&show_comments=true&show_user=true&show_reposts=false” width=”100%” height=”166″ iframe=”true” /]
اهلا وسهلا فيكم مستمعينا بحلقة جديدة من برنامجكم عسل ولوز ويلي رح نحكي فيها عن مرض ارتفاع ضغط الدم
بيرتبط عنا ارتفاع ضغط الدم بزيادة الوزن والسمنه بس زيادة الوزن ما بتعني بالضرورة ارتفاع ضغط الدم فممكن يكون الشخص نحيف لكنه مصاب بالضغط والعكس صحيح بس بنفس الوقت زيادة الوزن رح بتزيد من احتماليه الاصابه بضغط الدم
وبيعتبر تخفيف الوزن واتباع برنامج غذائي قليل الملح او الصوديوم وممارسة الرياضة والبعد عن التوتر والضغوط النفسيه من اهم التدابير لحتا نسيطر ع ضغط الدم
فممارسه الرياضة من 3-5 مرات بالاسبوع ولمدة لاتقل عن ساعه بتزيد عنا من كفاءه وقوة القلب وهالشي بخليه يضخ كميه اكبر من الدم بجهد اقل ويلي بساعد بخفض خطر ارتفاع الضغط
بس في حاله تطور المرض واستمرار ارتفاع ضغط الدم لازم المريض يتناول الادوية المخفضة للضغط وهاد الشي بكون تحت اشراف الطبيب
اما بالنسبه لحميه ارتفاع ضغط الدم فبتعتمد على نظام غذائي اسمه (DASH DIET) وبتعني الاسلوب الغذائي لوقف ارتفاع ضغط الدم بحيث يكون
الغذاء بهالنظام غني بالحبوب الكامله والفواكة والخضرة ومنتجات الحليب قليل
الدسم مع التقليل استهلاك الدهون وتناول حفنه من المكسرات الغير مالحة
يوميا
برضو الحد من تناول الاطعمه المحتويه على عنصر الصوديوم بحسب درجة ارتفاع ضغط الدم فكلما زاد معدل ارتفاع الضغط رح بتزيد عنا الحاجة للتقليل من تناول الاطعمة المحتويه ع الصوديوم
وهلا رح بنحكي عن بعض الارشادات يلي بتشرح اكتر عن هالنظام
بالبدايه لازم نتجنب الاكل المالح وما نضيف الملح ابدا ع الاكل ومن الاكلات يلي بتحتوي على محتوى عالي من الملح المخللات والاجبان المالحة والمكسرات والخبز العادي المملح واللحوم المدخنه والمعلبه متل النقانق والسردين
يفضل عنا كمان انو نتناول الخبز قليل الملح او نستبدل الملح العادي كلوريد الصوديوم بملح تاني قوامه كلوريد البوتاسيوم لكن تحت اشراف الطبيب لانو كلوريد البوتاسيوم بيعطي طعم مر شوي للاكل
كما انو يفضل تناول البقوليات والحبوب الكامله والخبز الاسمر او خبز القمح والرز غير المقشور لانه هالاطعمة غنيه بالكربوهيدرات المركبه والمواد المغذيه بالاضافه الى انها قليله بالدهون
زيادة تناول الفواكة والخضرة بحيث يكون اكتر من 4 حصص باليوم الواحد
وهاد الشي بيرجع لاهميتها التغذويه والصحيه لانها بتزود الجسم بالبوتاسيوم والمغنيسيوم ومضادات التاكسد والالياف
فقد وجد انو الاكثار من تناول المصادر الغذائيه الغنيه بالبوتاسيوم رح بساهم بالتقليل من امتصاص الصوديوم ويزيد من طرحه خارج الجسم
كما انه العديد من الدراسات اثبتت برضو اهميه تناول الاغذيه الغنيه بالمغنيسيوم لدوره الهام بتوسيع الاوعيه الدمويه وبالتالي خفض ضغط الدم
وازا كان عنا سوء تقدير لكميه الزيت المستعمله فيفضل انو يتعود المريض ع الاطعمه المسلوقه او المشويه او قلي الاطعمه مع اضافه كميه زيت مسموح فيها متلا قلي الخضروات متل الباتنجان او البطاطا مع معلقه او معلقتين زيت بالكتير
برضو عدم الاستماع للاشاعات يلي بتحكي انو هالنوع من الزيت او السمنه
ما بيعملو على زيادة الوزن فكلها بدون استثناء بتحتوي على طاقه بتزيد الوزن
التقليل قدر الامكان من الشحوم الحيوانيه واللحوم الغنيه بالدهون للتخفيف
من الكولسترول الموجود فيها ونستبدلها بالجاج المنزوع الجلد والاسماك
ممكن كمان نتاول الشوربات المصنعه بالبيت او الشوربات التجاريه
بس بشرط تكون قليله الصوديوم
اما بالنسبه للبهارات يلي بنضيفها للاكل للازم تكون قليله الصوديوم ونبعد عن الصلصات او البهارات يلي بتحتوي على الصوديوم متل جلوتاميت الصوديوم
وصلصه الصوياو صلصات الشوي والكاتشب العادي والمخللات بانواعها
والماسترد والزيتون والخل المضاف اليه نكهات
ممكن كمان تناول معلقتين كبار من البذور متل بذور البطيخ والقرع
ودوار الشمس او 1/3 كوب من المكسرات غير المملحة متل الفستق والكاجو واللوز والفول السوداني 3 مرات بالاسبوع لحتا نزود الجسم بالبوتاسيوم والمغنيسيوم والالياف وفيتامين e بس لازم ننتبه انه الافراط بتناول المكسرات
رح بسبب عنا زيادة بالوزن
اما بالنسبه للمرضى يلي بتناولو مدر البول يلي بيعمل على زيادة طرح البوتاسيوم واخراجة من الجسم مع البول فلازم يعوضو البوتاسيوم المفقود بانهم
ياخدو اكل غني بالبوتاسيوم متل الموز والبطيخ وعصير الليمون والبرتقال والخوخ والمشمش والبروكولي الملفوف والخيار والجزر والمشروم والسبانخ
وبشكل عام هاي هي اهم الارشادات الغذائيه يلي لازم يتبعها عنا مريض الضغط
وبهيك بنكون وصلنا لنهايه حلقتنا لليوم بنتمنا تكونو استفتدتو واستمتعتو
معنا مستمعينا واستنونا بحلقه جديدة من برنامج عسل ولوز على راديو النجاح
