البرامجعسل ولوز

عسل ولوز مع بيان أكرم وميساء أبو الرب – الحلقة الثانية

 الحلقة الثانية من برنامج  عسل ولوز – الوجبات السريعة

[soundcloud url=”https://api.soundcloud.com/tracks/326531663″ params=”color=ff5500&auto_play=false&hide_related=false&show_comments=true&show_user=true&show_reposts=false” width=”100%” height=”166″ iframe=”true” /]

اهلا وسهلا فيكم مستمعينا على اذاعة راديو النجاح  بحلقتنا التانية من برنامج عسل ولوز واللي رح نحكي فيها عن الوجبات السريعه,, تحضيرها واثرها على الصحة والحل لحتى نتجنبها

بهالايام كترت المطاعم والمحلات يلي بتبيعنا الاكل الجاهز واللي على الاغلب رح تكون احدى هالوجبات: برغر, زنجر,كنتاكي, شاورما,,يلي اما بتكون محضرة من الجاج او اللحمة,, كل المطاعم تقريبا بتتبع نفس طريقه التحضير يلي رح تضمن فيها توصل  لدرجة استواء مرغوبة وتاخد وقت قصير بالطبخ وهاد هو المطلوب  والطريقة هي (القلي) بالغمر بالزيت الكثيف

 وبيان اشي طبيعي تكون هالطريقة لانها سريعه وسهله بس المشكلة انها رح تزيد بشكل كبير من السعرات الحراريةة الغير صحيه الموجودة بالاكل

صحيح ميسا مع انه كل انواع اللحوم الي نحنا بنستهلكها سواء كانت جاج او لحمة او سمك بنعتبرها مصادر  غنيه بالحديد والبروتينات وفيتامين بي تويلف الضرورية لبنيه الجسم

اكيد كلها مهمه بس ازا ما عرفنا الطرق الصحيحة لتحضيرها والكمية المناسبه اللي لازم نتناولها بصير الها تاثيرات خطيرة ع الصحة

 ميسا بدي احكي مثال عن يلي عم تحكي فيه انو لو اخدنا البطاطا يلي بعتبرها من الاطعمة المظلومة يلي دايما بيطلع عليها شائعة انها بتزيد الوزن لانه دغري رح بيخطر ببالنا البطاطا المقليه المشبعه بالزيت ,,لكن في الواقع طريقه تحضيرنا للاكله الها دور كبير بكميه السعرات الموجودة فيها يعني لو اخدنا البطاطا مسلوقه او مشويه رح تفرق معنا كتير من ناحيه السعرات والعناصر الغذائية الموجودة فيهم

 بالتأكيد بيان في فرق بين البطاطا المقلية والمشويه والمسلوقة ,,

برضو بدنا ننتبه لشغله مهمه بطريقه تحضير الوجبات السريعه انو تكرار استخدام زيت القلي بسبب تلفه نتيجه لتعرضه للضوء والاكسجين في الوقت نفسه

اثناء القلي وبالتالي بتتغير خصائصه من لون وطعم وريحة وبصير تالف وغير صالح للاستهلاك ونحنا ما بننصح بتكرار القلي بالزيت نفسه لانه بادي للتاكسد وتكوين الجذور الحرة ويلي بتسبب تفاعلات داخل الجسم فبتهاجم المادة الوراثية وبتعمل على تسرطن الخلايا

 نيجي لاهم الصلصات يلي بنستخدمها في اعداد الوجبات سواء بالمنزل او بالمطعم مثل : الكاتشب , والمايونيز , والماسترد ( الخردل)

في اختلاف كتيير بينهم من حيث القيمة الغذائيه والسعرات الحراريه

المايونيز: المكون الاساسي الو هو البيض والزيت وبتحتوي ملعقه منه على 100 سعره حراريه

وفي عنا الكاتشب المكون الاساسي هو البندورة وبيحتوي على ملح وسكر ومواد حافظه …بس بضل افضل من المايونيز ملعقه طعام منه بتحتوي على 20 سعره حراريه وبالرغم من انو سعراتو الحراريه قليله الا انه بيحتوي ع نسبه عاليه من الصوديوم

وبرضو في الخردل يلي بنعتبرو من افضل الخيارات لانو بيحتوي على مضادات للاكسدة واوميغا 3 وبالتالي مفيد لصحة القلب وهو تقريبا خالي من السعرات الحرارية

 بالجزء التاني من حلقتنا خلينا نحكي عن اضرار هاي الوجبات ,,

اولا رح بنحكي عن كميه الدهون والزيوت المهدرجةة يلي رح بتسبب السمنه ع المدى البعيد وبتساهم برفع مستوى السكر بالدم وبترفع نسبه الكولسترول الضار بالدم وبترفع من ضغط الدم كمان لاحتوائها على نسبه صوديوم عاليه

 وصلنا لاخر موضوع بحلقتنا لليوم واللي بدي احكي فيه عن شويه افكار بينصحو فيها اخصائيين التغذيه لتجنب هالوجبات والنقرشات الغير مفيده خلال ايام الدوام

اول فكرة بتقول لاتهمل وجبة فطورك لانه من المعروف انو اهم وجبه  خلال اليوم يلي بتكون مفتاح لنهار صحي وازا كان عندك يوم دوام طويل فكتير مهم انك تتناول وجبة فطور غنيه وصحيه يلي بتكون بالعادة وجبه تقليديه

ميسا خبرينا بالعادة شو كنتي بتاخدي معك فطور ايام الجامعه او لما بتروحي لمشوار طويل؟؟

 كل يوم بختلف بس مثلا في ايام باخد سندويش لبنه او جبنه او زعتر مع حبه موز ع الاغلب وعلبه شنينه او حليب منكه

 اهاا,,حلوو,, وازا كنت مستعجل وما عندك وقت لتحضر فطورك الصبح ممكن انك قبل بيوم او تختار وجبات سريعه متل الكورن فليكس مع الحليب او الشوفان مع الفواكة المجففه والمكسرات

 تاني فكرة بتحكي كافح جوعك بوجبة خفيفة ,,تناولنا لوجبات خفيفة صحيه طول اليوم  رح بساهم بمكافحة الجوع واي شهوه للحلو او النقرشاات السريعه لانه هالشغلات طبيعيه بتصير مع الكل …فممكن نتدارك هالشي بنتاولنا لوجبه صحيه خفيفه لرفع مستوى طاقتنا بشكل سريع

 الفكرة التالته عنا هي اعداد وجباتك مسبقا…كيف يعني؟

ازا كنت بتعرف انو رح يكون عندك في اليوم التاني دوام طول النهار وما رح يكون عندك وقت انك تاكل او تشرب …فبنصحك انك تحضر حالك قبل بيوم عن

طريق اعداد مجموعة من الوجبات الصحيه بالبيت لحتى تاخدها معك ع دوامك

 بكل بساطه بتجيب حافظه طعام وبنحط فيها مجموعه من المكسرات والخضرة والفواكة والفواكة مع ساندويش محضرة بطريقه صحيه طبعا وبتاخدها معك وين ما بدك

 وازا كان عندك تلاجة فممكن انك تشتري كل اسبوع كل الخيارات الصحيه

يلي بتحبها

الفكرة الرابعه عنا هي انك تختار وجباتك بحكمة…

في ايام بتمر علينا ما بكون عنا وقت لتحضير وجبه فبنطر انو نشتري وجبة

سريعه بهاي الحاله لازم يكون عنا حكمة في كيفيه اختيار هالوجبة فشويه تعديلات بسيطه ممكن يكون الها تأثير كبير ع صحتنا فمثلا ازا اخترنا وجبة برغر

ممكن نستغني عن البطاطا المقليه معها او عن المشروب الغازي ونختار مشروب صحي متل الشنينه او العصير …وبهيك بنكون قللنا من السعرات الحراريه والصوديوم والدهون والسكريات

 اخر فكرة عنا لليوم بتحكي لا تنسى زجاجة الماء …احيانا كتيير بننسى حالنا طول اليوم بدون ما نشرب كميه كافيه من المي وخصوصي بايام الحر,,وهاد الشي بخلينا نحس بالتعب والصداع والجفاف لهيك لازم تضل معنا قنينه مي لحتى نتزكر نشرب,,,متزكرة ميسا كيف كنت دايما انسى اجيب معي وانتي نتقذيني ههههههه

وبما انه نحنا ببداية الشهر الفضيل فخلونا نستغل هالشهر بانه نقلل من شراء الوجبات السريعه لانه بكون معنا وقت كافي انا نطبخ ونبتكر بالاكل متل ما بدنا وبنفس الوقت نعد بنفسنا وجبات صحيه وطيبه من عمل ايدينا

 وازا حبينا ميسا ناكل وجبات سريعه بامكانا نحضرها عنا بالبيت وبمكونات نحنا عارفينا فبتكون اخف ع المعدة والجيبه كمان

 وبهيك بنكون وصلنا لنهاية حلقتنا لليوم بتنمنى انكم تكونو استفدتو واستمعتو معنا مستمعينا,,,واسنتونا بحلقه جديدة من برنامج عسل ولوز على راديو النجاح

 

اظهر المزيد

مقالات ذات صلة

شاهد أيضاً
إغلاق