صبايا النجاح مع دعاء الحنطي – الحلقة الثانية
لكل نجاح في هادي الحياة اهمية فكيف لو كان صناعه همه صبايا النجاح
[soundcloud url=”https://api.soundcloud.com/tracks/326534400″ params=”color=ff5500&auto_play=false&hide_related=false&show_comments=true&show_user=true&show_reposts=false” width=”100%” height=”166″ iframe=”true” /]مستمعتنا و مستمعنا اهلا وسهلا فيكم في حلقة جديدة من صبايا النجاح اكيد في يوم مرق عليكي قعدتي فيه بهدوء وحاولتي تتأملي فيه مسار حياتك
تأملتي وتأملتي وبعدين قولتي : اخ بس.. لو انه صحتلي فرصه كان انا هلأ وين وبرضه اكيد في حواليكم هداك الشخص اللي وصل لشي نجاح بحياته والكل بيجيب في سيرته
ماشاء الله فلانه شوفوا وين صارت ماشاء الله فلان شوفوا شو عمل بتوصلي لمرحلة انه اووووف طيب انا جيبولي شوية حظ وهالفرصة اللي صحتله
وشوفوا شو رح اعمل وشو رح يطلع معي بس انا وانت وانت اكيد عزيزي المستمع كلنا متأكدين انه ما في نجاح بيبدأ بفرصة على طبق من ذهب
ضيفتنا اليوم صبية قدرت تعمل من الشي المعتاد شي مميز وبطريقة تانية بنقول صنعت فرصتها بايدها هي متل كتير منا خلصت مرحلة البكالوريوس وفكرت بالماجستير بس اتجهت فيه لتحصل على شهادتها بريادة الاعمال من جامعة الاميرة سمية وخلال هالفترة قدرت انها تحقق عدة انجازات منها انها في عام 2012 حصلت على المركز الثالث لجائزة الملكة رانيا الوطنية للريادة في عام 2013 كانت مدربة في جائزة IKB للريادة اختيرت كواحدة من قائمة اكثر 100 شخص نشاطا في التواصل الاجتماعي اختيرت كواحدة من قائمة 100 شخص يجب ان تقابلهم في عمان عملت في مجال الريادة ومجال التدريب محاضرة في جامعة الاميرة سمية محاضرة في كلية القدس وشاركت في العديد من الفعاليات والمبادرات والمنتديات واكيد ما مننسى انشاء مؤسسة نواصة ومتل العادة حوارنا رح يبدأ مع ضيفتنا بعد الفاصل
مستمعتنا مستمعنا الاعزاء
مصيرنا لا هو حظ ولا صدفة كله بيعتمد على الاختيار وادارة الامور ما تستنوا الظروف المناسبة وخلوا في بالكم انه كل ما دورتوا على الامان كل ما قلت النتائج وكلما دورتوا على الفرص كل مازادت احتمالات تحقيقكم للامان اللي بدكم اياه وخلوا في بالكم انه البحث عن الفرص بيشبه البحث عن الذهب في منجم لما تلاقي هالفرصة رح تكون بدايتك لمشاريعك العظيمة تذكروا دائما لو اتطلعتوا حواليكم اكيد رح تلاقوا صبية من صبايا النجاح .
و ماتنسوا دائما حلقة جديدة من صبايا النجاح في نفس الموعد من كل اسبوع اكيد على راديو النجاح .
في امان الله
