برنامج سوشليات / الحلقة الخامسة

الحلقة :
السلام عليكم احبتي المستمعين ويسعد اوقاتكم ان شاء الله واهلا وسهلا بيكم بالحلقة الخامسة من برنامج (سوشليات)
انا حسن عادل في الاعداد والتقديم واضمنلكم الوناسة ويايه بهالدقائق

اليوم راح نتعرف على الـ (TOP 5) لأشهر واغرب التغريدات على تويتر لهذا الاسبوع

وجان ويانه بالمرتبة الخامسة #الموصل
بعدد 25 الف تغريدة خلال هالاسبوع نسبة لتحرير مدينة الموصل من دنس داعش ورفع العلم العراقي فوق جامع النوري بسواعد الابطال من القوات الامنية والحشد الشعبي

وحصل على المركز الرابع #رشح_رواية_للقراءة
بعدد 40.6 الف تغريدة خلال هالاسبوع وهو هاشتاك ثقافي انتشر نسبة للطابع الادبي لدى المغردين بحيث حصل تبادل ثقافي بين المهتمين بهذا الهاشتاك

وكان المركز الثالث من نصيب #حط_صورتك_وانت_صغير
بعدد 43.8 الف تغريدة خلال هالاسبوع وهو هاشتاك انتشر بسبب حب الناس لتحميل صورهم لما جانوا صغار على تويتر

واحتل المركز الثاني #يوم_الجمعة
بعدد 126 الف تغريدة نسبة ليوم الجمعة واعمال يوم الجمعة حيث يقوم المغردين بحيث بنشر الادعية والصلوات ويتباركون به كيوم مبارك

وكان المركز الاول من نصيب #وسقطت_دولة_الخرافة
بعدد 144 الف تغريدة خلال هالاسبوع نسبة لسقوط دولة الخرافة وسحق رأس الثعبان داعش في الموصل وتحريرها بالكامل ببسالة قواتنا الامنية وحشدنا الشعبي ورجعت الموصل عراقية وفرحة العراقيين كبيرة بهذا النصر العظيم

وهسه وصلنا وياكم اعزائي المستمعين لفقرة الطف واغرب التغريدات لأشهر الهاشتاكات لهذا الاسبوع
وكانت التغريدات الاولى على #وسقطت_دولة_الخرافة
واول تغريدة عليه تكول :
يوم عوت الضباع المهمشة على أطراف بغداد
‏في تلك اللحظات الفاصلة،ظهر الحشد
‏ليملأ أرضنا ثأرا
‏وعدلا بعدما ملئت غدرا وجورا
‏ #وسقطت_دوله_الخرافة

‏
وثاني تغريدة كانت :
أنا منذ فجر الأرض ألبس خوذتي
‏و وصية الفقراء فوق نطاقي
‏
‏ #وسقطت_دوله_الخرافه

وثالث تغريدة تكول :
بدمائكم إكتمل النصر شكرا لكل روح ضحت من آجل التحرير وتحية حب وإجلال لكل شهيد وكل عراقي غيور مبروك لجيشنا الباسل والحشد الشعبي
‏ #وسقطت_دوله_الخرافه

‏ ونرجع لـ #يوميات_مكرود
هالهاشتاك صراحة يمثل معاناة الشعب العراقي ويومياته ومضحك بشكل ما

واول تغريدة عليه كانت :
استطلاع أجرته مؤسسة غالوب الدولية إلى أن العراقيين أكثر الشعوب العربية غضبا، حسب استطلاع للرأي شمل أكثر من 142 دولة.
#يوميات_مكرود
(تره هم حقنا ههههه)

وثاني تغريدة تكول :
واحد دازلي ع الخاص تعليمات (كيف تتغلب على العطش في شهر رمضان) كتله بعد وكت
‏ #يوميات_مكرود

وجانت ثالث تغريدة تكول :
‏لو كانت الارض مسطحة، فكيف يقول من لايعرف الرقص ان “الگاع” عوجة ؟
‏#يوميات_مگرود
(عجبني صراحة التعبير ههههههه)

‏واكو تغريدة تكول :
#اشياء_جميله_من_بلادي
‏سائق التكسي يكول شعب ما يحترم القانون شتريد يصير بالبلد
‏قبل الوصول للسيطرة وهو يلبس حزام الأمان
‏ #يوميات_عراقي

وتغريدة ثانية جانت :
‏اني طالع تريدين شي ؟
‏أخذ الزبالة وجيب صمون وبتيتة وعدس ولحم و عصير و نومي بصرة و فانيلا وحرر الموصل بطريقك وتعال ! ..
‏ #يوميات_عراقي

وتغريدة اخرى تكول :
‏تصعد السيارة ماعندك خردة للسايق وتشوف من يدفعلك ولا يعرفك ولا تعرفه #اشياء_جميله_من_بلادي

واكو تغريدة تكول :
#الاشياء_المنتظرة
الساعة 6 ونص امي تطفي عليه المكيف
(صراحة اني شخصيا كنت اعاني من هالحاله ههههههه)

واكو تغريدة حبيتها تكول :
‏نحن نقص عليك أحسن القصص بما اوحينا إليك هذا القرآن …. قصص القرآن لها إرتباط فعلي بالحياة لكل شخص ويجب الإستفادة منها
#رشح_روايه_للقراءه

واخير تغريدة تكول :
‏جميلةٌ هيَ
‏ككليجة ام التمر في صباح العيد
‏ #العيد

ولهنا وصلنا وياكم لنهاية حلقتنا لهذا اليوم
اتمنى قضيتوا ويايه وقت ممتع وان شاء الله نرجعلكم الاسبوع القادم بحلقة جديدة
كنت معكم انت حسن عادل في الاعداد والتقديم
وخالد توفيق في الهندسة الصوتية
دمتم في رعاية الله