برنامج سوشليات / الحلقة الرابعة

السلام عليكم احبتي المستمعين ويسعد اوقاتكم ان شاء الله واهلا وسهلا بيكم بالحلقة الرابعة من برنامج (سوشليات)
وان شاء الله تتونسون ويايه بهالوقت

واكيييد اليوم راح نعرف الـ (Top 5) لأشهر واغرب التغريدات على تويتر لهذا الاسبوع

بحيث حصل على المركز الخامس #يوم_الاب_العالمي
بعدد 14.7 الف تغريدة خلال هالاسبوع بمناسبة اليوم الاب العالم ف طبعا كل عام وكل ابائنا بخير وربي يحفظهم النا خيمة وسند واكيد الرحمة والمغفرة لابائنا المرحومين

بينما كان المركز الرابع من نصيب #سوريا
بعدد 20.4 الف تغريدة خلال هالاسبوع وكان بصدد الاحداث الي دتصير بسوريا وما تفعله قوات التحالف والقوات الامريكية بحرب سوريا
واكيد اكثر الناس تضررا بهذي الحرب هو الشعب السوري , نسأل الله تنتهي الحروب وتعيش الشعوب بسلام

واحتل المركز الثالث #ح_ي_د_ر_ة
بعدد 30.6 الف تغريدة خلال هالاسبوع بمناسبة استشهاد الامام علي عليه السلام ف بهاي المناسبة نقدم احر التعازي لأمامنا صاحب العصر والزمان عجل الله فرجه ولكل الامة الاسلامية بالعالم الاسلامي

وحصل على المركز الثاني #ليلة_القدر
بعدد 60 الف تغريدة خلال هالاسبوع نسبة ل ليالي القدر المباركة وكيفية استقبال هذي الليالي من قبل الناس لأحياها وقيامها بالاعمال .. ف تقبل الله طاعاتكم وربي يغفر لنا ولكم ان شاء الله

وكان المركز الاول من نصيب #حجب_بي_ان_سبورت_القطرية
بعدد 151 الف تغريدة خلال هالاسبوع نسبة للحجب الي صار على قنوات بي ان بالسعودية واكيد هالشي صار نسبة لقطع العلاقات بين السعودية وقطر مما سبب هالشي ازعاج للشعب السعودي ولا سيما الفئة المحبة للرياضة بي

وهسه وصلنا وياكم حبايبي المستمعين الى فقرة اغرب والطف التغريدات والتعليقات على اشهر الهاشتاكات خلال هالاسبوع

وكانت اول تغريدة :
‏‏صلى الإله على روح تضمنها
‏قبر فأصبح فيه العدل مدفونا
‏قد حالف الحق لا يبغي به بدلاً
‏فصار بالحق و الإيمان مقرونا
‏ #ح_ي_د_ر_ه

اما التغريدة الثانية كانت :
‏وحمدت ربّ الكونِ فـي عليائـهِ
أن كنت أنتَ، و ليسَ غيرك والدي❤
#يوم_الاب_العالمي

وثالث تغريدة تكول :
راح يجيك شعور جدا مريح وتحس بالروحانية لما تقوم بأحياء ليلة القدر بالجامع مع مجموعة من الناس وتكون اجواء ايمانية بحته
#ليلة_القدر

واكو هاشتاك كلش حلو وانتشرت عليه تغريدات منوعه منها كان حزينة وتمثل واقع حال ومنا ما يتناول الواقع بطريقة ظريفة وهو #يوميات_مكرود

وكانت اول تغريدة عليه تكول:
الفطور صاير مثل تصفيات كأس العالم
كل يوم ينقص نوع من السفرة ,, اتوقع التمر هو راح يتأهل ويلعب النهائي ويه الشوربة
#يوميات_مكرود

وثاني تغريدة كانت :
لا توجد عبودية اسوأ من ان تعتقد أنك حر وانت في الحقيقة لا تملك قرار اي شيء في حياتك
#يوميات_مكرود

وثالث تغريدة على نفس الهاشتاك كانت :
كل شوية يكلي اللهم اني صائم
كتله عمت عيني عليك شتريدني اعلكلك نوط الشجاعة
#يوميات مكرود
(يعني بلوه هالعالم هههههه )

وجانت التغريد الرابعة :
حاولت اباوع على الجانب المشرق من حياتي بس انطفت الكهرباء
#يوميات_مكرود

واخير تغريدة على هذا الهاشتاك جانت :
اذا يحبج جربي تحجين وياه وهو يلعب PS4
اذا انتبه لكلامج وما كال ها , ف هو صدك يحبج

وكان من نصيب الصداقة هاشتاك جميل وهو #صديقي_اذا
ومن ضمن التغريدات الي كانت عليه تكول :
#صديقي اذا انحنى ضهرك من الدنيا فإني سند لك اين ما كنت وفي اي وقت بعيد كنت ام قريب

وثاني تغريدة علة نفس الهاشتاك جانت :
‏#صديقي_اذا افتح جيس الحب لتأكل لمن اكولك أُكل مو تخمطه عبالك انت مشتري واني اكل منك

اما الثالثة تكول :
‏#صديقي_اذا كل ما أوصله للبيت ينطيني لو جاي لو كيك .. عصير المهم سيارتي متروسه مواعيين مطبخهم
(كلنا محتاجين هيج صديق هههههه )

والرابعة جانت :
‏#صديقي_اذا تشوفني اغثك طول الوقت
‏اُعرف أني احبك
(اكيد لان من حبك لاشاك )

طبعا ومع انطلاق هالهاشتاك احب اقدم تحبة حب واعتزاز لكل الاصدقاء ولا سيما الي ديتابعوني والي يشجعوني واحب اكلهم انتو اجمل نعمة من ربي حضيت بيها وربي يديمكم الي وما يحرمكم مني اكيد

واخير تغريدة ويانه جانت :
#عزيزي_يافلان
باقي جم يوم ويخلص الاسلام عند بعض الناس وترجع حياة قريش لطبيعتها
(ههههههه)

وبنهاية هاي الحلقة اتمنى ان استمتعتوا ويايه وكدرت ارسم الضحكة على وجوهكم الطيبة
انتظروني بحلقة جديدة بالاسبوع القادم
كنت معكم انا حسن عادل بالاعداد والتقديم
وخالد توفيق بالهندسة الصوتية
ربي يحفظكم ويسعدكم
مع السلامة