البرامجعسل ولوز

عسل ولوز مع بيان أكرم وميساء أبو الرب – مرض السكري

الحلقة السابعة من برنامج عسل ولوز – السكري

[soundcloud url=”https://api.soundcloud.com/tracks/329465993″ params=”color=ff5500&auto_play=false&hide_related=false&show_comments=true&show_user=true&show_reposts=false” width=”100%” height=”166″ iframe=”true” /]

اهلا وسهلا فيكم مستمعينا بحلقه جديدة من برنامجكم عسل ولوز ويلي رح

نحكي فيها عن مرض السكري

من المعروف انه مرض السكري بينتج عن ارتفاع مزمن بمعدل سكر الغلوكوز بالدم

وبيحدث ارتفاع سكر الدم نتيجة عجز البنكرياس عن افراز الانسولين

وهو الهرمون المنظم لسكر الدم

وفي شكل تاني من اشكال هالمرض وهو انو ممكن يكون افراز الهرمون

طبيعي بس ما بكون فعال

وهاد الشي بيادي بالنهايه لعدم دخول الغلوكوز للخلايا وبالتالي ببدا يرتفع

مستوى الغلوكوز بالدم ويتراكم

وبدنا نعرفكم اكتر ع سكر الغلوكوز وهو سكر بسيط بيعتمد جسمنا عليه

لانتاج الطاقه يلي بتساعده على القيام بوظائفه المختلفه

 والسكري عنا نوعين

النوع الاول وهو السكري المعتمد ع الانسولين وعادة بصيب الاطفال وصغار السن يلي اعمارهم اقل من 30 سنه وهاد النوع بيتطلب المحافظه ع معدل السكر بالدم عن طريق حقن الانسولين عدة مرات باليوم ولازم يرافق هالشي برنامج غذائي مناسب

 النوع التاني من السكري هو السكري غير المعتمد ع الانسولين وهو الاكتر انتشارا وعادة بصيب الاشخاص فوق سن 40 وبكون باغلب الاحيان ناتج عن السمنه الزائدة

 ومن اهم العوامل يلي بتاثر بالنوع التاني هي الوراثه والسمنه وقله النشاط

الحركي والضغوط النفسيه والعصبيه

 وبهاد النوع بنكتفي بالحميه الغذائيه وتخفيف الوزن لعلاج بعض المرضا

بينما البعض الاخر بيحتاجو لادويه خاصه للغلوكوز

 وهلا بدنا نحكيلكم عن اهم الارشادات العامه لمرضى السكري من النوع الاول والتاني

 بحاله الاصابه بالنوع الاول من السكري يفضل تناول خمس وجبات مكونه

من النشويات المعقدة وحليب قليل الدسم والفواكة الكامله والخضرة وكميه مناسبه

من اللحوم

  وبيتم توزيع هالوجبات طول النهار بحيث تكون تللات وجبات رئيسيه

ووجبتين خفاف وما تزيد المدة بين كل وجبه رئيسيه والتانيه عن 5 ساعات ويفضل تكون الوجبه الخفيفه التالته قبل النوم

 اما بالنسبه للسكري من النوع التاني يفضل عنا تناول اربع وجبات مكونه

من النشويات المعقدة وحليب قليل الدسم والخضرة والفواكة  وكميه كافيه من اللحوم

 وبيتم توزيع هالوجبات الاربعه طول النهار بحيث تكون تلات وجبات رئيسيه ووجبه خفيفه  بشرط ما تزيد المدة بين كل وجبه رئيسيه والتانيه عن

خمس ساعات

 التقليل قدر الامكان من تناول الاكلات الغنيه بالسكريات البسيطه متل

السكر والعسل والمربى والكيك والمشروبات الغازيه المحليه بالسكر

 برضو لازم المريض يقلل من الاكل الغني بالدهون الحيوانيه والكولسترول

متل الكبدة والسمنه الحيوانيه والزبدة والحليب كامل الدسم والحلويات

 تجنب الاطعمه المالحة متل المخللات والاجبان المالحة والمكسرات والمعلبات والخبز العادي المملح وعدم اضافه الملح لاكل

 تناول وجبات الطعام باوقات مناسبه مع وقت تناول الدوا بمواعيده المحددة

 زيادة تناول الاغذيه الغنيه بالالياف متل الخضرة والفواكة الكامله

بحيث انو يتم توزيعها خلال اليوم

 شرب كميه كافيه من المي تقريبا 8 اكواب باليوم ع الاقل لطرد الفضللات الايضيه يلي بتزيد بحاله الاصابه بمرض السكري

  يفضل استخدام المحليات الصناعيه بشرط عدم الافراط بتناولها

 ولازم برضو ما ناخر تناول الاكل اكتر من 30-45 دقيقه من بعد ما ياخد المريض الانسولين او حبوب السكري

 وازا قام المريض بعمل رياضه خفيفه لازم يتناول حصه خبز او حصه فواكه

 وبما انه نحنا بشهر رمضان رح بيختلف عنا توزيع الوجبات ورح نضطر نوزعهم ع وجبه الفطور والسحور

 اول شي بدنا ننتبه لشغلتين بيتغيرو برمضان الشغله الاولى هي ادويه

السكري وهاد الشي بقرره الطبيب والشغله التانيه توزيع النشويات

 فلنفرض انه هالشخص بيتناول بالايام العاديه 2000 سعر حراري وبرمضان يروح ياخدهم ع وجبه وحدة وهي الفطور

 هون بتبدا المشاكل وبيبدا الشخص يعاني من ارتفاع السكر بالدم وعدم القدرة بالسيطره ع مستواه

 فعلى الفطور بنبدا بكاسه مي وتمر وبنبعد عن كميات التمر العاليه يعني

من حبه لتلت حبات مش اكتر وبعد هيك بناخد صحن شوربه او سلطه

 بعد هيك الافضل انو المريض يرتاح شوي لحتا ما يطلع عنده السكر مره وحده وبعد هيك يبدا بالوجبه الرئيسيه

مقالات ذات صلة

  يعني ما يكونو المي والتمر والسلطة والشوربه والوجبه كلهم مع بعض

 واهم شي ننتبه للعصائر الرمضانيه في كتير من الناس بتكون عطشانه

وبتشرب ع الفطور كاستين عصير وهيك بتكون حصلت ع 4 حصص من السكريات ولسا ما بلشت بالوجبه الرئيسيه فمهم ننتبه لهالشي

 وبنفضل انو نلغيها تماما لحتا تكون الوجبه الرئيسيه من النشويات هي الاساس

 الصحن بنحاول نقسمه جزئين جزءنشويات والجزء التاني بكون خضار وبروتين وبعدين بنرجع نقسم وجبه عشا متاخرة ووجبه سحور كمان يكون فيها

نشويات لحتا تعطيه الطاقه لوقت وجبه الفطور

 هلا رح بنحكي عن حصص النشويات لمريض السكري برمضان

بحاله انو الشخص بياخد انسولين وخصوصا السكري النوع الاول لازم نعرف

كميه جرعات الانسولين يلي بياخدها الشخص خلال النهار وبنقسمها ع غرامات

النشويات يلي عم يتناولها

 اذن لازم نعرف كميه ونوع الانسولين يلي بياخده لنحدد كميه النشويات

الي لازم ياخدها

صحيح انه نحنا بمرض السكري بنهتم اكتر شي بكميه النشويات بس بنفس

الوقت بدنا ننتبه لكميه الدهون والبروتين الي عم يتناولها المريض متلا ازا كانت الوجبة فيها دهون كتير بتبطئ من ارتفاع السكر بالدم وهاد الشي بخلي جرعه

الانسولين تختلف عنا

 اما بالنسبه للعصائر الرمضانيه متل التمر الهندي والعرقسوس لانها عصائر كثيفه ومركزة كتير وبساعدو بفقدان المي فالمفروض نتجنبهم قدر الامكان

 وازا المريض اجا عباله يشرب يا ريت يقيسها مع كمية النشويات الموجودة بالوجبه ويشيلهم منها

 اما بالنسبه للحلو برضو لازم نحاول نقلل منه فمثلا القطايف نشويها بدل القلي ونخفف قطر عليها

 وبهيك بنكون وصلنا لنهايه حلقتنا لليوم بنتمنا تكونو استفتدتو واستمتعتو معنا مستمعينا واستنونا بحلقه جديدة من برنامج عسل ولوز على راديو النجاح

اظهر المزيد

مقالات ذات صلة