الحلقة الثامنة من برنامج عسل ولوز – العيد
[soundcloud url=”https://api.soundcloud.com/tracks/329466296″ params=”color=ff5500&auto_play=false&hide_related=false&show_comments=true&show_user=true&show_reposts=false” width=”100%” height=”166″ iframe=”true” /]اهلا فيكم مستمعينا بحلقه جديدة من برنامج عسل ولوز وبنحب نعايد على كل مستمعينا عبر اذاعة راديو النجاح ونقلهم كل عام وانتو بالف خير بمناسبه
عيد الفطر المبارك وان شاءالله بينعاد عليكم بالصحة والسعادة
طبعا هلا نحنا طلعنا من فترة الصيام وارجعنا للايام العاديه والاكل الصبح
يعني انتقلنا من نظام غذائي لنظام غذائي تاني مختلف عن يلي كان بشهر رمضان
فالمفروض ننتبه كتير منيح لما نجي نغير النظام يلي تعودنا عليه برمضان
فباول يوم من ايام العيد كلنا بنصحا ع صلاه العيد لحتا نصلي ونسمع التكبيرات هون نحنا بننصح انا نبدا يومنا بكاسه مي و3 حبات تمر
اما بعد صلاه العيد بننصح بتناول كوب من الحليب او اللبن قليل الدسم
وبعد هيك بنتاول وجبه الفطور ويفضل تكون وجبه خفيفه بتحتوي ع توست
لبنه وشرائح بندورة او خبزه صغيره مع قطعه جبنه
يعني باختصار نحاول بهالايام نتناول كميات معتدله لتجنب الاصابه بالحرقه
وعسر الهضم
والدنيا عيد وما رح اقلكم ممنوع تاكلو كعك العيد بس انتبهو للكميات يلي
بتتناولوها خلال اليوم
ومتل ما حكينا لا تهملو وجبه الفطور الصبح فهي مهمه وبتساعدنا انا
ما نتناول كميات كبيره من الشوكلاته والكعك
وهلا رح بنحكيلكم عن كميه السعرات الحراريه الموجودة بالمعمول بجميع اشكاله
عنا المعمول بالتمر الحبه منه فيها 180 سعر حراري
اما المعمول بالفستق الحلبي بيحتوي على 200 سعر حراري
والمعمول بالجور الحبه منه بتحتوي على 220 سعر حراري
وافضل طريقه لحتا نستمتع بالمعمول بالعيد هي اختيار انواعه المتعددة
بمكونات قليله الدسم والسكر
وبما انه معظمنا بحضره تقليديا بالبيت وطبعا شغل البيت دايما بكون ازكا وصحي اكتر بكون فنحاول انو نقلل من الدهون والسكر ونحنا بنحضره بالبيت
وبتظهر الاحصائيات انه ممكن نكسب 2 كيلو خلال عطله العيد بسبب
الكميه العاليه من الحلو والدهون يلي بنستهلكها بهالفتره
فاذا بشكل عام بدنا ننصحكم انكم تبدو تدخلو الاكل شوي شوي لحتا
تتفادو اي مشاكل بالجهاز الهضمي ممكن تصير معكم
ولانه نحنا كمان بنزور بعض بالعيد وبنروح عند قرايبنا وطبعا اشي طبيعي
لما نروح نتضيف حلو وقهوة سادة فنحنا بننصح انه مشان ما يصير اي احراج
ممكن ناخد حبه الحلو ونضبها بالشنته وناكلها بوقت تاني وكمان بننصح الطرف
يلي بضيف انو ما يشد ع الناس لحتا ياكلو الحلو ويتركو الشخص براحته يختار زي ما بدو
بنتمنالكم مستمعينا عيد سعيد مليان بهجه وفرح مع كل يلي بتحبوهم
وكل عام وانتو بالف خير واستنونا بحلقه جديدة من برنامج عسل ولوز ع راديو النجاح
