رواد النجاح – حسام الإبراهيم

راديو النجاح – رواد النجاح – حسام الإبراهيم

 

لما طلعتلي منحة “راديو النجاح” كنت بمر بكثير ظروف صعبة، والظروف بلشت تزيد أكثر وأكثر، وقتها كنت بين خيارين يا بترك وبدور على شغل أو بتحمل وبكمل عشان حلمي وطموحي

بلشنا تدريب بشغف عالي، كنت بستنى كل تدريب على أحر من الجمر، لما تدخل الراديو بتشعر انه المكان بحكي من جماله وكنت أشعر بكل مرة إنه حستفيد من هذا المكان بشكل كبير. ما بنسى وقفة مدربينا (أ. عبيدة، أسماء، رزان، محمد، سارة)  وأكيد ما بنسى أبو مالك، من دعمهم وتشجيعهم

أكثر تجربة تركت أثر بحياتي، إنه طلعت بالوقت بدل الضائع تغطية لمسيرة لمدة 6 أيام، طلعت مسيرة مشي، وكان فيها تعب كثير كثير، لكن كأول تجربة ما بنساها

تعلمنا وتعلمنا أشياء كثيرة من الراديو، سواء مهارات وأفكار، أهم إشي اكتسبته ما أصنف حدا بناءًا على (شكله، لبسه، كلامه)، وتحترم خصوصية الآخر أكثر وأكثر، وتعلمت بإرادتك بتقدر تهد جبال وزي ما بخطر ببالي دايماً : يا بنكون، يا بنكون، فيش خيار ثالث

طلعنا بناس كثير مميزة من مدربينا وزملائنا، وأهم اشي الزملاء، الي بلشت علاقتنا بنقاشات حادة جداً وانتهت بعائلة مميزة، وأنشطة متنوعة وتغطيات فخمة

التعليقات