رواد النجاح – أسامة صمادي

راديو النجاح – رواد النجاح – أسامة صمادي

 

لما شفت رسالة الراديو المكتوب فيها يوم الثلاثاء راح يكون أول أيام التدريب تحمست كثير وانبسطت.
وبلشت مشواري في راديو النجاح كانت تجربتي كثير عظيمة وطورت فيها كثيير من مهارات مثل التعليق الصوتي بدعم من أسماء بأسلوب قراءة التقارير والأخبار.
وقدرت أكتب التقرير المتكامل بفضل سارة إلي علمتنا كيف تكتب التقارير الصحفية والإذاعية.
ولما دخلت على عالم البرامج لأعرف كيف بنكتب السيناريو والخطة الإذاعية وهاد بفضل رزان إلي ضلت تدعم فيني و باقي المتدربين لحتى خلص كل واحد برنامجه الخاص فيه.

وأكيد كل هاد ما بيكمل إلا بهندسة الصوتية واقدرت ألاقي حالي فيها فعلا بفضل اللّٰه ثم بفضل محمد إلي كان يدربني على برنامج المونتاج ويعلمني على المكسور وكمان دربني على التعليق الصوتي و هسى أنا فخور بالبرامج إلىي طلعت على راديو النجاح من مونتاجي.

دخلت على الراديو عندي مخاوف إني “بقدر ولا ما بقدر”
بس قدرت أحطم هذا بالإصرار والصبر وتعلمت أكثر لما اختارني الراديو من بين المتدربين أروح تغطية صحفية لمسيرة المناخ برفقة زميلي حسام، كان أسبوع مليء بالمغامرة وتحدي الذات وتعرفت على أشخاص أكثر من رائعين.
في أشياء كثير تغيرت فيني وأشياء ضفتها على حياتي وصار عندي أهداف أكثر ومتحمس لتحقيقهم.
وبالنهاية بحب أشكر كل المتدربين في دفعتي على الأوقات الحلوة والمرة الي قضيناها مع بعض وكان السبب الرئيسي يلي جمعنا راديو النجاح، وبشكر أستاذ عبيدة فرج اللّٰه لأنه لولاه ما كان في راديو النجاح .

مقالات ذات صلة

التعليقات