قوارير مضيئة مع سندس الكسواني – استغلال الوقت في رمضان

قوارير مضيئة – الحلقة الأولى

[soundcloud url=”https://api.soundcloud.com/tracks/325717617″ params=”color=ff5500&auto_play=false&hide_related=false&show_comments=true&show_user=true&show_reposts=false” width=”100%” height=”166″ iframe=”true” /]

مستمعينا في راديو النجاح كل عام وانتو بخير واهلا وسهلا فيكم ببرنامجكم ( قوارير مضيئة)

كل وحدة فينا عندها اسلوب حياة ونظام معين بتتبعه برمضان ، في صبايا بقرروا يقللوا من نشاطهم بهالشهر ، وفي منا اللي بتقرر انه يكون شهر الانجاز، وفي اللي بتحس انه متله متل باقي الاشهر وعادي ما بتغير شي على نظامها

واليوم قرنا نسأل عدد من الصبايا ونشوف كيف بقضوا يومهم في رمضان

وهلا خلينا نرحب بضيفتنا لليوم المختصة بمهارات الحياة والتخطيط الذاتي وصاحبة كتاب حياتك قرارك المدربة سنا السالم ،اهلا وسهلا فيكي نورتينا

طبعا متل ما بنعرف ، رمضان شهر الروحانيات والعبادات ، بس بنفس الوقت بنلاحظ انه شهر العزايم والجمعات والمسلسلات ، والسنة هاي تحديدا حسيت انه كمان شهر الامتحانات ومشاريع التخرج وكل هالقصص ، فبداية حابين نسمع منك كيف ممكن نوازن بين كل هالمواضيع؟ وفعليا كل وحدة فينا بتكون حابة بتكون حابة تكسب اجر وثواب هالشهر العظيم ، وبنفس الوقت ما تقصر بواجباتها التانية وكمان يكون شهر ممتع، فكيف ممكن نعمل هالتوازن؟

لما سألنا على صفحتنا عالفيسبوك شو اكبر تحدي بنواجهه كبنات بتنظيم قتنا برمضان ، لفت نظري انه كتير منا عندهم مشكلة بموضوع الطلعات ، يعني البنت بتقولك انا بحس انه صعب اطلع وامارس نشاطاتي وانا صايمة وبنس الوقت بعد الفطور بتكون الدنيا عتمت وصارت ليل فبرضه صعب اطلع ، فشو الحل نقعد بالبيت طول رمضان؟

طيب نيجي للفقرة اللي ما في مهرب منها ، وبغض النظر البنت ان كانت طالبة ولا ست بيت او حتى موظفة، لازم يكون الها دور فيها واللي هي فقرة شغل البيت والتحضيرات ان كانت من سحور وفطور وجلي ، طبعا غير ازا كان في عزومة هون بكون ضاع اليوم كله فشو الطريقة الانسب لنرتب هالامور؟

استازة سنا شكرا كتير لالك نورتينا اليوم وشكرا على كل النصائح القيمة اللي اعطيتينا اياها والي اكيد كلنا لازم نبلش فيها من اليوم

وهللا وصلنا لفقرة تحدي اليوم ورح تكون عنا صديقتنا فرح الشيخ من الامارات لتحكيلنا كيف ممكن نخصص جز بسيط من يومنا لنترك اثر بكل يوم في رمضان

شكرا فرح على هالتجربة الرائعة وفرصة كلنانجرب نخوض هالتحدي

وهيك بنكون وصلنا لنهاية حلقتنا معكم لليوم

بتقدروا تشاركونا بتعليقاتكم واسئلتكم على موضوعنا لليوم من خلال صفحتنا عالفيسبوم (قوارير مضيئة)

كنت معكم انا سندس الكسواني في الاعداد والتقديم ومن الهندسة الاذاعية الزميلة ياسمين الوهيري والزميل محمد عبدالله وبنتمنالكم نهاية اسبوع سعيدة