الحلقة الرابعة من برنامج عسل ولوز – المشروبات
[soundcloud url=”https://api.soundcloud.com/tracks/327857707″ params=”color=ff5500&auto_play=false&hide_related=false&show_comments=true&show_user=true&show_reposts=false” width=”100%” height=”166″ iframe=”true” /]
اهلا فيكم مستمعينا بحلقة جديده من برنامجنا عسل ولوز وموضوعنا اليوم
رح يكون عن المشروبات اليومية: المشروبات الباردة والمشروبات الساخنه
بحلقتنا لليوم اخدنا عينه مجموعة من الاشخاص سالناهم فيها عن مشروبهم المفضل
خلينا نبدا بالمشروبات الساخنه,,معظمنا ما ببلش يومو صح ولا بيقدر يص: حصح الصبح الا ازا شرب فنجان قهوة
هلاالقهوة ازا كانت سادة بتكون خالية من السعراات الحرارية وببلش يصير فيها سعرات حرارية باضافة السكر الها
وبالمقابل بدنا نحكي انو ريحة القهوة بتعمل على التقليل من التوتر والقلق
وبتحسن المزاج وبتشعرنا بحاله نفسيه رائعه لحتا نقدر نكمل يومنا بسعادة
وباحتوائها على ماده الكافيين فهاد الشي بزيد من نشاطنا وتركيزنا وبقلل من شعورنا بالصداع اثناء اليوم,, بس يفضل انه نتناولها بعد وجبة الفطور يعني ما تكون معدتنا فاضيه لما نشربها وازا شربناها خلال يومنا فبنشربها بكميات معتدلة ومعقولة
نيجي للشاي ,,متل ما بنعرف في نوعين من الشاي الشاي العادي والشاي الاخضر,,,الشاي متل القهوة خالي من السعرات الحرارية الا ازا ضفنا عليه السكر بصير بحتوي ع سعرات حرارية
الشاي بشكل عام مفيد لانه بيحتوي على مضادات الاكسدة يلي الها دور
بحمايتنا من السرطان بالاضافة الا انه بيحتوي ع نسبه كافيين اقل مقارنة بالقهوه والنسكفيه
بس عنا ملاحظة صغيرة بخصووص اوقات شرب الشاي , هلا يفضل تناولة اما قبل الاكل بساعتين او بعد الاكل بساعتين لانه ازا اخدناه مع الاكل
ف رح يقلل من امتصاص الحديد وفيتامين سي الموجود بالاكل وبعض العناصر المهمه والمفيدة بالوجبة
بالنسبه للشاي الاخضر فكتيير ناس بتفكر انو الشاي الاخضر بساعد على تخفيف الوزن وكتير بيجينا عليه اسئلة من هالنوع
وفي ناس بتشرب منه باليوم 5 او 6 كاسات لانها بتفكر انو بنزل الوزن بشكل رهيب وهاد الشي خطير لانه شرب هالكمية الكبيرة من الشاي الاخضر
بتسبب نقص الحديد والمغنيسيوم والكالسيوم والزنك كما انو بحتوي على
مادة التانين يلي بتعمل على منع امتصاص هالمواد وما في اي دراسة علمية اثبتت انو بعمل على تخفيف الوزن.
باختصار هو صحيح بحتوي ع مواد مفيدة ومضادات اكسدة بس ما الو اي علاقة بتنزيل الوزن وازا حبينا نشرب يفضل انه ما يزيد عن كوب واحد باليوم
هلا بالنسبه للنسكافيه رح نحكي عن النسكافيه يلي نحنا بنحهزه بالبيت بكون عبارة عن نسكافيه مع مبيض قهوة او النسكافيه الجاهز 3 في 1 او 2في 1
بس خلينا نعرفكم اكتر ع مبيض القهوة ,,هو عبارة عن مادة غذائية صناعية بنضيفها للمشروبات كبديل للحليب وبالعادة بتحتوي على زيت نباتي مهدرج يلي بشكل خطر على صحة القلب وبترفع نسبة الكولسترول الضار بالجسم
النسكفيه 3 في 1 بيحتوي على قهوة وسكر ومبيض,الكوب الواحد منها بحتوي ع 85 سعرة حرارية ,, مكوناتها ما بتختلف عن مكونات مبيض القهوة
بس فيها سكر بكميات عالية ,, الكوب الواحد تقريبا في معلقه سكر كبيرة بلاضافة لاحتوائها على نسبة عالية من الدهوون الكوب الواحد فيه 2,4 غم دهون منها 2,3 دهون مشبعة وبيحتوي ع الصوديوم والاملاح والنكهات الصناعية ونسبة قليله جدا من البروتينات والكربوهيدرات
النسكفيه 2 في 1 بحتووي على قهوة ومبيض وهم بيحكو انها م بتحتوي على سكر ولكن في الحقيقه هي بتحتوي على محليات صناعية يلي زي ما حكينا ضرره اكتر من السكر العادي
بنيجي للمشروبات الباردة وبنبدا بالمشروبات الغازية الببسي والميرندا والسفن بشكل عام بيحتوي على كميات عالية من السكر بالاضافة للالوان الصناعية والصبغات , الكوب الواحد منها بحتوي ع خمس معالق سكر تقريبا معلقة السكر الوحدة بتحتوي على 20 سعره حرارية فالببسي 250 مل بتعادل كوب واحد بيحتوي تقريبا على 100 سعرة حرارية ونفس الشي عنا الميرندا والسفن.
مشكلتنا مع المشروبات الغازية انها بتحتوي على ما يسمى بالسعرات الحرارية الفارغة يعني نحنا بنحصل على سعرات حراريه بدون اي قيمة او فائدة غذائية متل المعادن والفيتامينات والبروتينات فهي مجرد سكر بيعطي سعرات فقط بتعمل على زيادة الوزن واحتوائها على الكافيين باثر عنا على امتصاص الحديد وبالتالي ممكن يادي ادمانها بشكل يومي لااصابه بفقر دم ع المدى البعيد.
ومن اثارها السلبيه برضو انها بتعمل على هشاشه العظام فهي بتعمل على تقليل امتصاص الكالسيوم في الجسم وطبعا الكالسيوم مهم جدا لقوة وصلابه
العظام اضافه لوجود نسبه الصوديوم يلي بتاثر ع مرضى الضغط والقلب
اما بالنسبة للناس يلي بتشرب ببسي دايت لحتا تتجنب زيادة الوزن
فبحب احكيلهم انو من المفارقات الطريفة بعالم الغذاء والصحة ويلي تم اكتشافها مؤخرا بالعديد من الدراسات انو يلي بيتناولو المشروبات يلي بتحتوي ع هالمحليات بكونو اكتر عرضة من غيرهم لاكتساب الوزن لانه هالمشروبات بتحتوي كمان ع مواد بتفتح الشهية وبتزيد من اقبالنا ع تناول الطعام اضافة لانه
المادة يلي بحطوها بدل السكر هي الاسبرتاام فيها اضرار اكتر من السكر نفسه
ضل عنا مشروب انتشرت شهرته بين الناس وبالاخص الشباب والمراهقين وهاد المشروب مصمم لزيادة الطاقة والاداء العقلي وهو بيحتوي على مزيج من الكافيين والسكر وبعض الفيتامينات ومشتقات الاحماض الامينيه والمستخلصات العشبية
وعلى حسب الدراسات يلي عملوها ع العديد من الاشخاص يلي بستهلكو مشروب الطاقة باستمرار صارو يعانو من مشاكل بالقلب وتسارع بالنبضات بالاضافة الى زيادة الشرب لكميه اكبر من الكافيين
وبسبب الاثار السلبية للكافيين فان منظمات الرعاية الصحية الرائدة ما بتشجع على استخدام مشروبات الطاقة للاطفال والمراهقين
وللحد من الضرر المحتمل للشرب اليومي لشرب علبه وحدة من مشروب الطاقة ,,بامكانك تقليل من الاستهلاك لنص عبوة يوميا مع تجنب جميع المشروبات الأخرى التي تحتوي على الكافيين.
وبما انو نحنا بالشهر الفضيل اكيد هتنضاف بعض المشاريب الرمضانيه للقائمة عنا متل التمر الهندي والليمون والقمر دين وعرق السوس كمان
خلينا نشوف هلا كل كوب من هالعصائر ع كم سعره بيحتوي
كوب التمر الهندي بحتوي ع 300 سعرة وكوب قمر الدين بيحتوي تقريبا ع 260 سعره اما العرقسوس فبحتوي الكوب منه ع 200 سعره حرارية
واحسبوها صح خلينا نختار ونحدد كمية العصائر الرمضانية المفضلة النا فمثلا,, بنبدا بكوب من المي لحتا تروي عطشك بدل كوبين من العصير
وما ننسى العصائر حتا الطبيعية منها بكون غني بالسكر ويلي بتزيد من العطش برضو
ويا ريت ما نضيف السكر للعصائر يلي بنحضرها بالبيت لانها بتعمل ع زيادة السعرات الحرارية
وكمان لازم نتعود نقلل من كميه هالعصائر يعني بدل ما نشرب كوبين كوب واحد بكفي
وبهيك بنكون وصلنا لنهاية حلقتنا لليوم بتنمنى انكم تكونو استفدتو واستمعتو معنا مستمعينا,,,واسنتونا بحلقه جديدة من برنامج عسل ولوز على راديو النجاح
