صبايا النجاح مع دعاء الحنطي – الخوف من الفشل

لكل نجاح في هادي الحياة اهمية فكيف لو كان صناعه همه صبايا النجاح

[soundcloud url=”https://api.soundcloud.com/tracks/336814890″ params=”color=ff5500&auto_play=false&hide_related=false&show_comments=true&show_user=true&show_reposts=false” width=”100%” height=”166″ iframe=”true” /]

اهلا وسهلا فيكي صديقتنا المستمعة وانت ايضا صديقنا المستمع منرحب فيكم في حلقة جديدة من صبايا النجاح  يلا نتذكر مع بعض كم مرة عزَمنا على هدف معين وفجأة صرنا نشوف قدامنا خيال كبير وصار يحكي معنا ويقولنا وقفي ما تكملي وانت اكيد مارح تنجح 

هاد الخيال ناتج من انه مسكنا الشمس اللي جوانا اللي بتملأنا بالتفاؤل وغطيناها بغيوم بكرا بتفكيرنا المسبق بانه ما رح ننجح  وهاد الخيال خلانا ننسى انه اي سقوط وفشل منمر فيه ممكن يكون درجة نبدأ منها عن جديد 

اليوم حوارنا مع صبية نشيطة بالنسبة الها كان انهاء مرحلة البكالوريوس هو نقطة انطلاقها لانه بعدها دخلت اكاديمية طلال ابو غزالة لتحصل على دبلوم في ادارة الموارد البشرية عملت كعضو في فريق تقييم البرامج في وكالة التنمية الدولية الكندية وايضا كمشرفة ومدربة في جائزة IKB  لريادة الاعمال وكمنظمة ومؤسسة لايفنت download  لاكاديمية IKB وهي عضو في الشبكة العربية للابتكار هي حاصلة على جائزة افضل مشروع هندسي لعام 2013 وجائزة ناصر بن حمد للابداع الشبابي وشاركت في مؤتمر startup Istanbul وطبعا الها مشاركات واستضافات عديدة في عدة فعاليات طبعا بالاضافة الى عملها في تخصصها الاكاديمي اللي دخلت فيه في مجال الطاقة وتطوير الاعمال رح نتعرف على ضيفتنا من بعد فاصل قصير كونوا معنا 
توماس اديسون قال: ضعفنا الاكبر هو الاستسلام  واكتر الطرق الاكيدة للنجاح هي المحاولة مرة اخرى

صحيح الفشل مر بس الاكثر مرارة هو انه تضل محلك سر وما تحاول توصل للنجاح ومبررك يكون الخوف   

تذكروا دائما لو اتطلعتوا حواليكم اكيد رح تلاقوا صبية من صبايا النجاح و ماتنسوا دائما حلقة جديدة من صبايا النجاح في نفس الموعد من كل اسبوع اكيد على راديو النجاح

في امان الله