برنامج خطوة إلى المستقبل مع شيماء عبيدات – التسوق الإلكتروني

راديو النجاح – برنامج خطوة إلى المستقبل مع شيماء عبيدات (التسوق الإلكتروني) – الحلقة الأولى

-مسا الخير مستمعينا من وين ما كنتم عن تسمعونا من جوالاتكم أو من أي وسيلة الكترونية موضوعنا اليوم  مش بعيد عن حياة أي واحد فينا و اغلبنا سمع عنه أو قام فيه و صارت جزء أساسي من حياته .. موضوعنا اليوم عن ظاهرة كان الكل متخوف منها في بدايتها إلا إنها قدرت تبدد مخاوف الجميع وتطغى على كل نظيراتها من أشكال التسوق.

أعتقد صار واضح في أذهانكم مستمعينا عن أي ظاهرة بنحكي  موضوع حلقتنا اليوم عن التسوق الإلكتروني..

بالنسبة الك كمشتري كنت أو كبائع  رح تمر بعدة مراحل للتسوق غير العناء وتكلفة المال وهدر الوقت، ممكن ما يعجبنا سعره أو جودته ومو ملاقيين بدائل كثيرة متاحة فبهاي الحالة رح نستغني عن عملية الشراء، أو نضطر إلى الشراء اشي من غير إقتناع طبعاً هاد كله كان بالماضي بس مع التجارة الالكترونية تغيرت كل حياتنا.

ليهك أثتبت الدراسات إنه التسوق عبر التجارة حققت نموا سريعا مدعوما بالتحول المتزايد من التسوق التقليدي إلى التسوق عبر الإنترنت والأجهزة المتنقلة الإلكترونية.

مع كل تطورات التكنولوجيا بحياتنا ،أكيد رح تتغير كل قطاعات الأعمال الّي بتحتويها، يعني رح يتغير أنماط المستهلكين نتيجة لشراء كل ما نحتاجه عبر الإنترنت، ومن هاي الفكرة بلشت محلات البيع بالتجزئة بابتكار طرق جديدة لإنعاش سوقها.

ولحتى نعرف كيف رح يصير شكل المتاجر في المستقبل؟ خليكم معنا…

وفرت شركة أمازون فكرة بتنص على وداعاً يا طوابير الانتظار!.. يعني ببساطة صارت المتاجر خالية من المحاسبين بمعنى إنه مافي داعي للانتظار بطابور المحاسبة عملت هاي المتاجر على تأكيد حسابك الشخصي عند أمازون جو على أي اشي حاب إنه تشتريه ما عليك غير تعمل تحميل تطبيق الدخول للمحل لحتى يتم إضافة قيمة المشتريات على حسابك في الموقع.

ومش بس هيك بتم العمل على فكرة مستقبلية بعنوان حذاؤك وفق طلبك !

خلال العام الماضي قامت أحد المحال التجارية في أحدى المدن بتقديم حذاء مصنوع بالطباعة ثلاثية الأبعاد، على أمل انه تكون موفرة للزبائن تصاميمهم المفضّلة بشكل فوري داخل المحال التجارية إما تجّار البيع بالتجزئة وبالأخص في عالم الرياضة عملت على توفير منتجات بمواصفات بحددها للزبائن، ولنفس المحال التجارية عملت على قياس نمط المستهلك Run Genie بالمشي والجري لاختيار أفضل حذاء رياضي لذلك الزبون باستخدام أداة تحليل.

تكنولوجيا وجمال كيف زبطت مع التسوق الإلكتروني؟ خلونا نشوف..

بالماضي ومن التسوق التقليدي كان متوفر (تستر) بجانب الغرض اللي حابين نشتريه بس بالتسوق الإلكتروني عملت على تقديم مزيج بين التكنولوجيا والجمال كيف يعني !!!

يعني عملت إحدى المحلات  التجارية على تقديم ميزة لعالم الجمال يعني ممكن لأدوات معينة تعمل على مسح وجه المستخدم وإعطاء عدد من النصائح المتخصصة للبشرة وهاي النصائح بتكون بناء على نتائج التحليل، ومش بس هيك كمان تم إيجاد أدوات أخرى لقياس معدل الترطيب بالبشرة وروتين العناية، لمنح النصائح حول كيفية الاعتناء بها.

وبهيك مستمعينا بنكون وصلنا لختام حلقتنا من برنامج خطوة إلى المستقبل .. استنوني الأسبوع الجاي بحلقة جديدة وموضع تكنولوجي جديد .. على المحبة نلتقي في الحلقة القادمة كنت معكم من الإعداد والتقديم أنا شيماء عبيدات إلى اللقاء