برنامج منا وبينا مع مريم الجميلي – ريتشارد ويليامز

img

راديو النجاح – برنامج منا وبينا مع مريم الجميلي – ريتشارد ويليامز

-مساؤكم نجاح مستمعينا الكرام وأهلا بيكم ابرنامج منا وبينا.

حتاخذنا حلقة اليوم للسوشل ميديا، لشخص الهم آلالاف من الأشخاص حول العالم، شخص ضل يدور على الشي الي حيغير حياته ولكاه، شخص مثل ريتشارد ويليمز أو مثل ما انعرف باسم المسرح برنس ايا هو متحدث وشاعر وصانع أفلام أمريكي من واليد ال88 درس بجامعة ميزوري بتخصص علم الإنسان بعد ما خلص الجامعة لكة نفسه ديميل تجاه موسيقى الهيب هوب، بس مستمر هالشي هواية، لحد ما لكة نفسه مهتم بشكل جبير بالتحدث التحفيزي والالهامي، وبدة يصنع فيديوهات قصيرة عن مواضيع هواية، عن مواضيع اهتمينة بيها واخترقت جدران اقسى واعند القلوب وكعدت كلماته مكانها، حجة عن العنصرية والعرق والتعب والآلم والارهاق والشغل والحياة المتوازنة، حجة عن التكنلوجيا وشكد بعدتنا عن الي نحبهم، حجة عن الفراغ الي نتج عن هالحياة المقيدة بالسوشل ميديا، تكدرون اتدورون عنه، حيفيد أي أحد يسمعه .

اتذكر مرة قريت عن انو شكد الكلمة ممكن تقتل إنسان، وتخلي ثاني بجنة بس متوقعت تأثير الكلمة يكون أكبر من هواية أشياء صديقك الي علاقتك بيه خفت ودتحس إنو حينتهي كلشي، بادر دزله رسالة لطيفة الصبح، احجيله عن أول موقف أو أول انطباع عنك اله واحجيله شنو الي غير هالوضع، حسسه بأهميته حتلو انت ابلد وهو بثاني.
دائما خلي كلمتك طيبة، ومثل مكال المثل: قل خيرا أو اصمت.

وهيج انتهت حلقتنا لهاليوم جانت وياكم مريم الجميلي وهذا برنامج منا وبينا.
ودمتم في أمان الله.

مواضيع متعلقة