راديو النجاح – قديش مهم مع أوس الغول متى رح ننجح – الحلقة العاشرة
-متى رح ننجح؟! هو من أكثر الأسئلة اللي بتدوالها اليوم شبابنا المحبط واللي لازم نعرفه إنو مشكلتنا دائما مش بالنجاح ولكن عدم شعورنا إنو هاعالم معترف بهالنجاح هون إحنا بنفرض على أنفسنا صورة نمطية للنجاح بتجسد بوضع مالي فاره بسيارة فخمة، بمستوى معيشة معين بنحاول نصنعه في عيون الناس لأنفسنا، ألف لايك على بوست، والكثير من مجاملات ما بتنتهي على صفحات التواصل الإفتراضي أو الحقيقي وإعجاب كثير من اللي حوالينا مش مهم حقيقي أو مزيف المهم إنو يكون واضح.
وفي حقيقية الأمر لو طلب منا إنو نعمل لقاء مع حد ناجح مباشرة رح يخطر في بالنا أشخاص العالم معترفين بنجاحهم وبرضه بنرجع للإطار النمطي السابق
هل ممكن يكون بالحياة أشخاص ناجحين والعالم مش معترف في هالنجاح؟ قطعا نعم … بتعرف اللي مبسط ببسطة كعك أو بجر عرباية ذرة أو ببيع جرابات على بسطة خشب هو أنجح حد ممكن تعمل معه مقابلة اليوم لإنو ببساطة بحاول يقاوم ظروف بتحاول تطحنه وتنزله الأرض، حتى أنا وإنت بنعجز نعمل هالشي اللي بعمله لإنو برستيجنا ما بيسمح وايش ممكن نسمي عدم مقدرتنا على عمل هالشي وفي حد اليوم قادر يعمله.
إحنا للحظة لازم نعرف إنو النجاح مش طريق أو مكان نوصل اله، النجاح مفهوم بتجسد إنو تعمل شي صعب نعمله في ظروفنا الحالية الأمر اللي بساوي شخصين واحد مليونير ومش قادر يكسب ثقة أطفاله ومحبتهم ومجالستهم وبعد فتره قدر يوصل إحساس المحبة لقلبوهم من خلال اشويت اهتمام مع شخص واقف تحت أشعة الشمس في يوم حار بحاول يبيع كاسات ماي مبردة على الإشارة لحتى يقدر يربح نص دينار يشتري فيها خبز لحتى يتغدوا خبز سخن وينجح في تحقيق هالشي.
بعالم الرياضيات 1 اكيد بساوي 1 لكن في عالمنا البشري مش شرط الإنسان يساوي الإنسان ومع هيك مع اختلاف التحديات اللي منواجهها إحنا بنلتقي بمحصلة نتائج تجاوز هالتحديات وهيك بنقدر نعرف إنو النجاح في الحصول على مليون دينار يساوي النجاح في قدرة أب يشتري ملابس العيد للأطفاله هاي السنة.
قديش مهم إنو دايماً نضل صاحين لنقدّر نجاحات الناس بناءً على واقعهم وظروفهم ونستعد نقدم تشجيع وتقدير صادق إلهم لنعينعهم على الاستمرار ولنستقر في ذاكرت قلوبهم.
نتذكر إنو لا يمكن لليرقة البقاء في شرنقتها إلى الأبد، لابد للفراشة أن تظهر عندما يحل الوقت المناسب خلونا فقط نوثق في توقيت الحياة، ونعرف إنو توقيت الحياة مختلف عن توقيتنا، وخلونا نتذكر إنو ألمنا رح يروح لإنو دائما بيعمل هيك.
