البرامجقديش مهم

قديش مهم مع أوس الغول – قانون بقاء الفعل

قديش مهم مع أوس الغول قانون بقاء الفعل البشري – الحلقة الأولى

أصعب شي ممكن يحدث بالحياة هو خبر وفاة أم على قلب أحبابها ولأنه الأم مدرسة عظيمة حتى وهي بتغادر روحها الحياة بتعلمنا شي كان مستحيل نتعلمه كل جامعات ومدارس ومعاهد الكون على سطح هاي الارض .
القصة حكاها إبنها هاني وهو بثاني يوم من أيام العزا اتصل عليه رقم غريب، رد على التلفون وبعد أول دقيقة عرّف الشخص بنفسه وكان هاد الشخص هو إحدى أصدقائه لما كانو بالصف الرابع وكان اخر مرة تواصل مع هاني هو قبل ما يقارب 12 سنة أنهى صديق هاني مكالمته بهاي العبارة ( الله يرحمها الحجة لما كنت بالصف الرابع كانت دايما تدهن إلي سندويشه لبنه وتعطيني اياها كانت بمقام والدي بهالموقف ) يا الله سندويشه لبنه انعملت قبل أكثر ما يقارب 22 سنة عن طيب خاطر خلت شخص يترك كل شغله لحتى يتواصل مع ابنها ليدعي لها الام بالرحمة وكانت سبب باتصال اثنين الهم ما حكوا وتواصلوا مع بعض أكثر من 12 سنة ..
قانون بقاء الفعل البشري بنص أفعالنا ما بتفنى وإنما تصنع ردود فعل قطعاً سنقطف ثمارها مع مرور الزمن رح تتحول كردود فعل إلى شكل آخر من السلوك البشري.
لو عملنا نظرة سريعة على سلوكياتنا وبلشنا ندرسها ونغيرها للأفضل ونطبق هالقانون خلونا لما ندخل مكان نبتسم بوجوه الناس إلي بنتعامل معهم خلونا دايما نكون حريصين اناديهم بأسمائهم ونتعرف عليهم خلونا لما يكون يوم ميلاد حدا بنحبه نعبر عن امتناننا للحياة وفرحنا بوجوده بينا بطريقة مميزة مش شرط تكون مكلفة ممكن تكون بسيطة وعميقة ، خلونا نعبر بالشكر والعرفان لكل الناس إللي وجودهم بحايتنا بسعدنا نشكر أمهاتنا على طبخة اليوم حتى لو ما حبيناها نشكرا آبائنا على تعب السنين مشان نكبر ، خلونا نتخيل كل هالأفعال شو رح تعمل بسطح هالكون .
هاد القانون بتعامل مع مدخلاته بكامل الإنحياز لهيك اي شر او خطأ بنعمله بها الحياة رح يلف ويلف ويتم إعادة انتاجه مع مرور الزمن كردة فعل..
قديش مهم نصنع أفعال خيرة نعبي من خلالها هالكون نعيد تشكيله بالحب والعطاء لنقطف إحنا والأجيال القادمة ثمرة أعمالنا الرائعة خلونا نصنع أرض أجمل مزينه بأفعالنا.

اظهر المزيد

مقالات ذات صلة

شاهد أيضاً
إغلاق