البرامجعسل ولوز

عسل ولوز مع بيان أكرم وميساء أبو الرب – الفشل الكلوي

الفشل الكلوي
اهلا وسهلا فيكم مستمعينا بحلقة جديدة من برنامجكم عسل ولوز

[soundcloud url=”https://api.soundcloud.com/tracks/331169780″ params=”color=ff5500&auto_play=false&hide_related=false&show_comments=true&show_user=true&show_reposts=false” width=”100%” height=”166″ iframe=”true” /]

ويلي رح نحكي فيها عن مرض قصور الكلا المزمن

 بالنسبه لمرض قصور الكلا اله نوعين عنا مرض قصور الكلا مع الغسيل

ومرض قصور الكلا بدون غسيل وبحلقتنا لليوم رح نحكي عن النوعين واهم التدابير الغذائيه لالهم

 نبدا بمرض قصور الكلا بدون غسيل ويلي بينوصف بنقصان في قدرة

الكلا على ازاله الفضلات وبالتالي زيادة مستوى الكرياتينين واليوريا بالدم

عن معدلهم الطبيعي ومعظم المرضى ما بيحتاجو للغسيل ازا قدرو يسيطرو

ع تطورات المرض عن طريق تناول الادويه واتباع حميه غذائية خاصة

 نيجي للنوع التاني ويلي هو مرض قصور الكلا مع الغسيل هالنوع

بيعمل المريض غسيل كلا عدة مرات بالاسبوع وبالعادة بيعاني المريض

من نقصان كبير بقدرة الكلا على ازالة الفضلات وبالتالي زيادة مستوى الكرياتينين واليوريا والبوتاسيوم والفسفور بالدم عن المعدل الطبيعي

لهيك لازم يتبعو حمية غذائيه خاصة بحيث تكون الوجبات يلي بتناولوها معتدلة

بمحتواها من الصوديوم والبوتاسيوم والفسفور

بالجزء التاني من حلقتنا رح نحكي عن الحميه يلي لازم يتبعوها يلي

بعانو من المرض واهم الارشادات والتدابير الغذائيه يلي لازم يتبعوها

 بالنسبه لكميه الطاقة يفضل تناول كميات كافيه من الطاقة من نشويات

ودهون للحد من هدم الخلايا وتعويض العناصر الغذائيه يلي بتم اتلافها خلال

عمليه الغسيل

 التقليل من كميه البروتينات المتناوله بحيث  لا تتجاوز 45 غم

يوميا ويفضل تناول حوالي نص هالكميه من البروتينات الحيوانيه متل

اللحوم والجاج والسمك

 التقليل من الفسفور بالاكل للوقايه من تطور الفشل الكلوي لمراحل متقدمة

لانه زيادة الفسفور بالدم بتعمل على ترسيب الكالسيوم بانسجة الكلى الداخلية

وكمان بسبب عنا الاصابه بهشاشه العظام


لهيك لازم نقلل من الاكلات يلي بتحتوي ع الفسفور متل الالبان والاجبان

واللحوم والبروتين والبيض والكبدة والمكسرات والشوكولاته والمرتديلا والنقانق

وزيادة العناصر الغذائيه الغنيه بالكالسيوم للمحافظه ع سلامة الكلا والعظام


اما بالنسبه لكميه الصوديوم فبتعتمد ع ضغط الدم وحاله القلب

فبحاله ارتفاع ضغط الدم واحتباس السوائل بالجسم المفروض نقلل من

تناول الصوديوم بس مو كتير يعني من 2-3 غم يوميا


اما البوتاسيوم فبتم تحديد كميته بالاعتماد ع مستوى البوتاسيوم بالدم

 هلا بحاله زيادة البوتاسيوم بالدم المفروض نبعد عن الاكل الغني بهالعنصر

متل البطاطا الموز السبانخ والبلح التين البرتقال والزبيب والبندورة والجزر غير

المطبوخ


بالنسبه للسوائل هلا بشكل عام ما بننصح بتقيدهاا بالاوضاع الطبيعيه

بس يفضل التقليل منها بحال وجود تجمع سوائل بالجسم وعلى كل الاحوال

لازم يكوون في توازن بين السوائل المتناوله والسوائل المطروحة خارج الجسم


وبهيك بنكون وصلنا لنهايه حلقتنا لليوم بنتمنا تكونو استفدتو واستمتعتو

معنا مستمعينا واستنونا بحلقه جديدة من برنامج عسل ولوز على رااديو النجااح

 

اظهر المزيد

مقالات ذات صلة

شاهد أيضاً
إغلاق