صبايا النجاح مع دعاء الحنطي – عقبات النجاح
صبايا النجاح – الحلقة السابعة
[soundcloud url=”https://api.soundcloud.com/tracks/335613460″ params=”color=ff5500&auto_play=false&hide_related=false&show_comments=true&show_user=true&show_reposts=false” width=”100%” height=”166″ iframe=”true” /]
لكل نجاح في هادي الحياة اهمية … فكيف لو كان صناعه همه صبايا النجاح …
مستمعتنا و مستمعنا حلقة جديدة من صبايا النجاح اهلا وسهلا بالجميع ….
مين فينا ما بيتذكر درس النملة اللي مرق علينا ايام الدراسةفي طفولتنا …
اكيد منتذكر النملة اللي ضلت تحاول وتحاول …. لحتى قدرت تتسلق الصخرة …
وكلنا عرفنا الدروس المستفادة من هادي القصة بس بالواقع لما نحنا نكون محل هالنملة هل منتصرف زيها ؟؟؟ انا متأكدة انه مو الكل بيتصرف بنفس الطريقة…. وكتيير منا بينسى النملة شو عملت وبغير طريقة او بيرجع من محل ما بدأ !!!
لان النجاح طعمه بيكون احلى كل ما واجه الشخص صخور بطريقه … اليوم ضيفتنا صبيه حست بهالحلاوة .. لان بكل خطوة كان في قدامها صخرة ….
بس ما في ولا صخرة قدرت تخليها توقف او ترجع من محل ما بلشت .. ضيفتنا مهندسة صناعية وهي مسؤولة التدريب والدراسات في نقابة المهندسين الاردنيين … بس كونها موظفة ابدا ما وقفها عن خوض غمار التميز …
حصلت على المركز الاول في جائزة الملكة رانيا الوطنية للريادة عن فئة المشاريع الاجتماعية المركز الثاني في برنامج دعم الشباب لشركة انتل العالمية المركز الثاني عن جائزة سواليف الادبية في عام 2014 فازت بجائزة ستيفي العالمية للنساء في الاعمال واخيرا وليس اخرا حصلت على الجائزة الفضية في مسابقة ستيفي للنساء في ريادة الاعمال لهذا العام ايضا … فضلا عن العديد المشاركات التطوعية والمدونات على مواقع الانترنت …
فكرة التعرف على اشخاص جدد وزي ما منحكي بالعامية مصطلح “التشبيك” كيف بساعد الاشخاص على فكرة ان يحيط الشخص نفسه باشخاص
صديقتنا المستمعة صديقنا المستمع السمكة القوية هي التي تستطيع السباحة عكس التيار اما السمكة الميتة هي التي تطفوا على السطح رح تقدروا تفوزوا بس اذا ما استسلمتوا وما غشيتوا وما هربتوا لما تواجهوا المشاكل وخلوا في بالكم…
الحياه هي عبارة عن حل للمشاكل … يا اما بتهزمكم مشاكلكم او رح تلاقوا بكل مشكلة بذرة بتحول هالمشكلة لحل …
كل اللي عليكم هو انه تكتشفوا هالبذرة وتتحملوا المسؤولية انكم تغيروا الاوضاع لصالحكم وهيك مشاكلكم رح تعمل منكم اشخاص عظماء كله بيتوقف عليكم وعلى نظرتكم للامور …
تذكروا دائما لو اتطلعتوا حواليكم اكيد رح تلاقوا صبية من صبايا النجاح .
و ماتنسوا … دائما حلقة جديدة من صبايا النجاح في نفس الموعد من كل اسبوع اكيد على راديو النجاح … في امان الله ..
