صبايا النجاح مع دعاء الحنطي – العلاقات الاجتماعية في العيد
لكل نجاح في هادي الحياة اهمية فكيف لو كان صناعه همه صبايا النجاح
[soundcloud url=”https://api.soundcloud.com/tracks/329856008″ params=”color=ff5500&auto_play=false&hide_related=false&show_comments=true&show_user=true&show_reposts=false” width=”100%” height=”166″ iframe=”true” /]ورجع العيد ليحمل معه كل الخير
وصحينا الصبح على اجمل اجمل الاصوات
تكبيرات العيد اللي بتكون منسجم معها لاقصى الدرجات وفجأة
بيطلع صوت طفل صغير .. استلم الميكروفون .. والفرحة واضحة من الحماس اللي في صوته صلاة العيد المعايدات اواعي العيد والكعكات وبرضه الولاد اللي بستنوا العيدية لشو الحكي حتى الكبار بستنوا العيدليشعروا بالفرح اللي بيجي معه والخير اللي حامله في ايامه اهلا وسهلا في مستمعتنا ومستمعنا في حلقتنا الخاصة حلقة العيد
من اهم السمات والمظاهر اللي منلاحظها في العيد من بعد الصلاة هي الزيارات العائلية
السؤال اللي بيخطر على بالي هلأ :
لو فعلا طبقنا الشي اللي بيخطر على بالنا احيانا وقت العصبية بانه نروح على جزيرة او بلد ما في حدا من الاقارب والاصحاب والمعارف هل فعلا رح يكون العيد اله معنى ؟ وهل رح نحس بهالفرحة اللي منحسها وقت ما نطلع من المسجد ونسلم على الناس بعد صلاة العيد ؟
علاقاتنا الاجتماعية هي جزء مهم من حياتنا وبتأثر كتيرفي شخصيتنا وفي احداث حياتنا حياتنا من وقت ما نكون صغار لاخر العمر
ضيفتنا اليوم بتحمل درجة الدكتوراة في تخصص اصول التربية من الجامعة الاردنية هي استشارية تربوية واسرية ومدربة في التنمية البشرية وتطوير الذات وهي ايضا كاتبة صحفية ولها كتابات في شؤون الاسرة كل هاد ما منعها انها تكون فنانة تشكيلية شعارها الدائم : كن عبدا ربانيا بخلق نبوي وضع بصمتك
حوارنا مع ضيفتنا رح يبدأ بعد فاصل صغير استنونا
اصدقائنا من المستمعات والمستمعين
الانسان كائن اجتماعي بيندفع ليكون علاقات اجتماعية هاد طبعه والفطرة اللي ربنا خلقه عليها
في ناس علاقاتهم ممكن تأثر على خطواتهم في الحياة وناس تانيين بيعتبروها جزء من ثروتهم وبيفخروا فيها بس تذكروا انه التعامل مع الناس مهارة ما بيتقنها الكل اي كلمة طائشة ممكن تنطلق متل السيف وتقطع علاقات لهيك من اهم الامور اللي لازم يتحلى فيها الانسان هي حسن التصرف والصبر وكمان الكلمة الحلوة والابتسامة الاحلى تذكروا دائما لو اتطلعتوا حواليكم اكيد رح تلاقوا صبية من صبايا النجاح
وما تنسوا حلقة جديدة من صبايا النجاح في نفس الموعد من كل اسبوع اكيد على راديو النجاح
في امان الله
