صبايا النجاح مع دعاء الحنطي – الدعم المعنوي
لكل نجاح في هادي الحياة اهمية فكيف لو كان صناعه همه صبايا النجاح
[soundcloud url=”https://api.soundcloud.com/tracks/338950740″ params=”color=ff5500&auto_play=false&hide_related=false&show_comments=true&show_user=true&show_reposts=false” width=”100%” height=”166″ iframe=”true” /]بنرحب فيكي مستمعتنا وايضا مستمعنا في حلقة جديدة من صبايا النجاح اهلا وسهلا
كم موقف مر عليكي في حياتك تمنيتي تسمعي كلمة
كلمة تطمنك كلمة تواسيك ترفع معنوايتك او كلمة حلوة بحق انجاز او شي عملته
احيانا بتلاقي هالكلمة واحيانا ما بتنسمع و حتى في العيون ما بتنشاف
كل الناس بما فيهم الناس اللي حواليكم بستنوا هالكلمة بمرحلة او اكترمن حياتهم
تخيلوا معي هلأ الانسان وكل اللي بيمر فيه بحياته من انجازات او تحديات هو عبارة عن حائط مكون من لبنات
بس في وقت معين هالحائط محتاج لدعامة تسنده وتحافظ على بقائه واقف بشكل صحيح
هالكلمة هي الدعامة او بمعنى اصح الدعم المعنوي ضيفتنا اليوم حاملة تحدي في قلبها
وهالتحدي هو انها تقدر توصل فكرتها في هالحياة على الرغم من اي مطبات ممكن تعترض طريقها
هي بتحمل شهادة البكالوريوس في التصميم الداخلي من جامعة البتراء الاهلية
عملت في مجالها في مشروعها الخاص
بعد ان تميزت خلال فترة دراستها بسبب اصرارها على تغيير افكار كانت محيطة فيها .. وعندها امل كبير انه مع الوقت تقدر تثبت وجهة نظرها
وبعد جهد طويل قدرت ضيفتنا بتصاميمها وحبها للفنون انها توصل بهالشغف لتصفيات عالمية للتصميم الداخلي ويكون تصميمها بين 16 تصميم اللي رح ينافسوا على المركز الاول لعام 2017
رح نتعرف على ضيفتنا وقصة هالتصفيات بعد فاصل صغير خليكم معنا
ورجعنالكم مستمعينا من بعد الفاصل لنرحب بضيفتنا لليوم اسماء بكيرات
اهلا وسهلا فيكي اسماء سعيدين بوجودك معنا اليوم في صبايا النجاح
