صبايا النجاح مع دعاء الحنطي – الحلقة الثالثة

لكل نجاح في هادي الحياة اهمية  فكيف لو كان صناعه همه صبايا النجاح
[soundcloud url=”https://api.soundcloud.com/tracks/327661393″ params=”color=ff5500&auto_play=false&hide_related=false&show_comments=true&show_user=true&show_reposts=false” width=”100%” height=”166″ iframe=”true” /]

اهلا وسهلا فيكم مستمعاتنا وايضا مستمعي  برنامج صبايا النجاح نهاركم فل 

مين فينا ما بيحلم ؟

بس مو قصدي عن الحلم اللي منحلمه ونحنا نايمين  قصدي عن الاحلام اللي بتخطرلنا ونحنا في عز النهار ونحنا فاتحين عيونا 

هالاحلام متل البنزين اللي بيشغل السيارة  هي اللي بتخلي نظرتنا للحياة احلى  وبتخلينا نشعر بالثقة وبانه قادرين نوصل ليلي بدنا اياه 

ضيفتنا اليوم صبية حالمة بلشت تحاول تلحق احلامها من وقت دراستها الجامعية 

درست في الجامعة الاردنية وكملت في جامعة غرناطة  بالمحصلة بتحكي 3 لغات 

شاركت في العديد من الاعمال التطوعية  واحساسها بالجمال المحيط فيها دفعها انها تدخل لعالم الكاميرا والتصوير اخدت دورات في هدا المجال وتعلقت فيه ومنه قدرت تلاقي مدخل لعالم الافلام 

بعد دراستها لهالمجال في واحدة من الاكاديميات المختصة بدأت افلامها تظهر واللي منها سلسلةWhile In  وتحصل على جوائز ومنها جائزة الافلام السياحية في اسطنبول  ولانها بعمر الشباب قدرت شغفهم بتعلم هالصناعة لهيك نظمت عدة دورات تعليمية في اكتر من بلد

هي مدونة وناشطة على مواقع التواصل الاجتماعي 

وكتيير نشاطات لضيفتنا اللي رح يبدأ حوارنا معها بعد الفاصل كونوا معنا .

ورجعنالكم بعد الفاصل ومنقول لضيفتنا المصورة وصانعة الافلام الاء حمدان

اهلا وسهلا يا الاء نورتينا
 

صديقاتنا المستمعات اصدقائنا المستمعين

دنيا بدون احلام  متل الرحلة الناشفة المملة  مهما كان واقعنا حلو 

او كان الوصول لاحلامنا صعب شبابنا بدون هالاحلام متل الربيع بدون ازهار

ودائما تذكروا انه احلامنا هي مدرج الاقلاع لطياراتنا باتجاه النجاح

منشكركم لمتابعتنا اكيد ومنتمنالكم احلام قريبة المنال  

تذكروا دائما لو اتطلعتوا حواليكم اكيد رح تلاقوا نموذج من صبايا النجاح .

و ماتنسوا  حلقة جديدة  من صبايا النجاح في نفس الموعد من كل اسبوع اكيد على راديو النجاح .

في امان الله