راديو النجاح – برنامج منا وبينا مع مريم الجميلي (علي بنات) – الحلقة الرابعة
-شخصية اليوم يجوز سمعتو بيها باخر فترة نظرا انه مصاله هواية من توفى،بس تدرون شنو اعظم شي ممكن يصير بعد وفاة الشخص؟
الدعاء…
دعاء ملايين من الناس بالرحمة على الشخص هو اعظم شي ممكن يحصله الانسان من هاية الدنيا.
وبحلقتنا هاية رح تشوفون إنو ماكو وقت محدد علمود تبدي بالطريق الصح.
عاش طول عمره كمليونير، طلعات وفلوس وأصدقاء وماركات وعطور وسيارات وكلشي يريده ميحتاج غير انه يطك أصبعه وحييجيه باللحظة والتو.
بس شنو الي ممكن يغير على بنات ويخليه فجاة يهتم بالفقراء ويترك حياته باكملها ويعيش علمود يمد يده للناس؟
اول شي خليني أكلكم عنه شوية … هو الشاب الأسترالي المسلم علي بنات والي انولد بولاية نيوساوث ويل الاسترالية، جمع ثروته من شركة أمنية وكهربائية وعاش حياة مترفة، لحد ما تم تشخيصه بمرض السرطان والي خلاه يفتح عيونه عالدنيا بشكل ثاني، طبعا الأطباء كلوله ب2015 إنه هو مبقاله غير 7 اشهر علمود يعيشها , فبده حياة جديدة بكلب جديد وإيمان قوي وبدة يوزع ثروته على فقراء أفريقيا المسلمين،ة مبقة أي شي إله، حتى ممتلكاته المادية إلي يحبها كلها وزعها ولا كأنها تعنيله شي.
وغير هيج حصل (بنات) على تبرعات من أشخاص من مختلف أنحاء العالم، وأسس منظمة المسلمون حول العالم والي تهدف لاستخدام الأموال هاية ببناء قرى لأكثر من 200 أرملة ومسجد ومدرسة لإيواء أكثر من 600 يتيم ومستشفى صغير ومركز طبي وأعمال تجارية لدعم المجتمع المحلي.
بفيديو انتشر على مواقع التواصل الاجتماعي وطبعا تكدرون تلكوه عاليوتيوب بمجرد إنه تكتبون اسمه بالبحث، ذكر بنات إنه ربنا أنعم عليه بالسرطان، ومن نسأل ليش معتبره نعمة، قال بعد ما غركت عيونة بالدموع إنه هاي هدية من ربنا علمود يغير كلشي بحياته.
انسال همينة إنه بعد ماعرف حقيقة هالدنيا شتسوة سيارته الفارهة الي جان يسوقها، فجاوب بكل بساطة انه متسوى أي شي يقلبه، وإنه بسمة طفل فقير أفضل عنده من هالسيارة.
الإنسان مو مثل ميكولون الناس إنه مستحيل يتغير، احنا كل يوم نتغير بشي بسيط جدا، بس تغيير عن تغيير يفرق، حاول تخلي تغييرك شي ايجابي مو سلبي وتذكر دائما إنه عمره الاوان مرح يفوت إلا إذا انتهت حياتك بهذاك الوكت مرح يفيدك أي شي.
وهيج انتهت حلقتنا لهاليوم جانت وياكم مريم الجميلي من راديو النجاح وهذا برنامج منا وبينا.
