برنامج ملهمون / الحلقة الرابعة / لا تسمع
برنامج ملهمـــون
السلام عليكم مستمعينا الكرام اهلا ومرحباً بكم عبر منصة راديو نجاح العراق مع حلقة جديدة من برنامج ملهمون سنكون معكم في الاعداد و التقديم انا تقوى الوائلي وانا حسين احمد ارحب بكم مستمعينا اجمل ترحيب …..
قصتنا لهذا اليوم بعنوان لا تسمع وبطلها حيدر.
– خلينا نسمع من عندج تفاصيل قصة لاتسمع.
– لا تسمع يمكن راح تصورون انه لاتسمع لاتسمع اغاني لاتسمع شي حلو لاعرفوا وياي هسه شنو لا تسمع
– حيدرشاب من اهالي البصره كان يحب يدرس وينجح بس كانت عقدته درس الانكليزي يلي كان يعاني بدراسته لان ما تأسس بي بشكل جيد وبينت هذي العقده وأثرها من وصل الصف السادس الاعدادي يلي دخله وهو في بواكير شبابه وامتحن السنه الاول ونجح بكل المواد الا اللغة الانكليزية واضطر يعيد السنه وهم نفس النتيجة وأستوفى الفرصه بالدراسه النهاريه من غير فايده وهنا بدت الاصوات بعائلته وبأصدقائه وبالمجتمع بشكل عام الي يحوله الى عاله حيدر عوف الدراسه وشوفلك شغل انت ما راح تفلح ولا راح تنجح لكن نظرت حيدر للأمر تختلف ورفض يستمع وأستمر بالمحاوله وحول للدراسات المسائيه وهم نفس النتيجه بس مع ذلك متمكن من اليأس ورفض ان يستسلم وطبعاً خلال هاي السنوات الي حاول بيها حيدر النجاح خلالها تزوج ونفس الوقت يشتغل والمفروض هذه يأثر على دراسته ويشغله ويبعده عن هدفه وصار عنده طفلين بس مع ذالك ضل الاصرارديدنه وتحول الى الامتحان الخارجي وهنا الاصرار أثمرونجح حيدر بعد خمس سنوات من أجتياز الامتحان
– حيدر اتخرج من كلية القانون وهوالان محامي طبعاً حيدر لو ملتفت الصوات الي كانت طالبه بترك الدراسه والأراء الي كانت تعتبره يضيع وقت ما كان حقق الي حققه بس اصراره كان اكبر واعمق من هاي الاصوات والأراء شعار حيدر الدائم “ماكو مستحيل” ويلي يكلك ماتكدرلا تسمع له
– شكراً تقوى لتفاصيل قصة حيدر مستمعينا الكرام ابقوا معنا فاصل ونعود لكم
– أهلاً بكم مستمعينا مره اخره تقوى مشكلة الانكليزي من اكبر المشاكل الي يواجها الطلبه واعتقد على كافة المراحل الدراسيه متوسطه اعداديه حتى بالجامعه اذا مواد انكليزي يمكن هم يعانون بيها وين الخلل هل الخلل بالطالب المنهج ام بالكادر التدريسي
– المثل الشعبي شنو يكول الجدر مايكعد الاعلى ثلاثه وهنا مشكلتنا ثلاثيه مشكلتنا بالمنهج مشكلتنا بالاستاذ ومشكلتنا بالطالب المنهج يمكن هسه بده يصير بيه تغير وبده تتعاله الاصوات ولو التغيرايضاً مو بالمستوى المطلوب بس نوعاً ما تغير ونكول عنه خطوه للامام بقه الاستاذ الاستاذ بحاجه الى انه يكون متمكن بأساليبه مو فقط متمكن من الماده الي يقدمها علمياً لا لازم يكون متمكن بالأسلوب الي يقدم بيه هاي الماده بحيث يكون شاطر وناجح فعلاً في أيصال هاي الماده يعني يسوي الي عليه وبعدين يجي دور الطالب يلي مفروض انه هو يتعب على نفسه بمساعدة اهله على أعتبار هاي لغة جديده صعب نكول للطالب انت وحدك تتمكن منها وخاصتناً في مرحلة الطفوله يحتاج انه يتأسس بيها اكيد هنا الدور الاكبر والهم للأستاذ وأساليبه وهاي نقطه
– طيب ماتشوفين ان خمس سنوات موقليله حتى يقضيها شخص فقط حتى ينجح بمادة وحده وهاذي الحاله تتكررعند كثير من الطلبه والبعض من عدهم يمكن يستسلم والبعض من عدهم يستمر خمس سنوات او ستة ايضاً يتوقف وبعض من عدهم يحول من مجال الي مجال اخر برئيج شنو الاقتراحات الي ممكن تساعدنا حتى نقلل من هذي الازمه الفعليه الموجوده
– اهم شي نكدر نقدمه الهاي الشريحه خاصةً شريحة الاطفال هي انه وزارة التربيه والتعليم تتدعم المعلم تدعمه مو فقط انه الدعم المادي لا تدعمه بدورات وطرائق التدريس يعني لازم الاستاذ يدخل في دورات تعلمه طرائق التدريس صحيح حالياً اكو دورات ينطون بيها للأساتذه المنهج وكيفيت تدريسها لا لازم يكون اكثر من طريقه واكثر من اسلوب بحيث ينجح الأستاذ في أيصال الماده ينجح ان يحبب الاطفل في هاي الماده شي جديد وغريب عليه ممعتاد عليه ممتعود عليه ومطلوب فلازم تكون الأساليب فعاله في ايصال هاي الماده وهنا المفروض يعتمد الاستاذ على نفسه وايضاً لازم يكون مسؤول من وزارة التربيه والتعليم فضلاً عن دور الاهل يلي المفروض يكونون اكثر فاعليه في حث أبنائهم على دراسة اللغة ومساعدتهم فيها
– طيب تقوى في ظل ضروف التعليم والي حالياً تتدفعا ان نتعلم حتى ننجح مو نتعلم حتى نستفاد من الشي الي جاي نتعلمه ما دور مادة الانكليزي وأهميتها في ظل الضروف الي جاي يعيشها الطالب او احتياجها المستقبلي
– حقيقه اللغة الانكليزيه اصبحت الاولى رقم واحد عالمياً يعني احنا مو بس محلياً عالمياً هي رقم واحد محلياً محد يكلك انت تتكلم العربي او لا من تقدم على وضيفه او من تقدم على دراسه أجيد اللغه الانكليزيه او لا ليش لان اللغه الانكليزيه هي لغة التواصل مع العالم الخارجي يعني احنا هسه في وضع اصبح فيه العالم قريه صغيره محتاجين الى التواصل مع الجميع مع كافة انحاء العالم واللغه الانكليزيه هي اللغه الي تصدت الى هذه التواصل فأصبحت ضروره حتى يمكن الي كاعد بلبيت الي يريد يتواصل مع الاخرين ضروري يكون عنده فد ألمام الى اللغه الانكليزيه
– ويارب نطور بهذا المجال ان شاءلله
– شنو الي خله حيدر مايسمع اراء المحبطه الكثيره الي تكله بطل والي تكله بعد ماتكدر تنجح لاتكمل خمس سنوات كلش هواي رغم ذلك استمر وكمل
– اهم شي حيدر استعان بيه هو ايمانه بالله وثقته بنفسه يلي يشكلن مصد يمنعن عنه السلبيه الي كان يوجها الى المجتمع فضلاً عن الاصرار تحقيق الهدف الي رسمه لنفسه
– طيب شنو الكلمة الي توجهينها الى كادر التدريسي
– الكادر التدريسي طبعاً اول شي انا اشكر كل استاذ يعي اهمية واجبه بكافة المراحل من معلم الروضه الى الاستاذ الجامعي…… بس كلمة احب اوجها للي ما يعي هذه الواجب اول شي لازم تعرف عزيزي المعلم انهُ اذا اخطأت انت معناها راح يخطأ المهندس راح يخطأ الطبيب راح يخطأ المحامي راح يخطأ الموظف كل شرائح المجتمع راح تخطأ بخطئك انت يمكن هم خطائهم على كدهم اما انت تصنعهم كلهم فبنائاً عليك صنعتهم صح راح يمشي المجتمع صح اخطئت راح يخطئون يعني انت راح تتحمل مسؤلية مجتمع كامل انت حاليا بمقام احنه انتهت عهد الرسالات انتهت عهد النبوات لكن انت الخليفه الهم في زمنا هذه انت عندك رساله تصنع بيها مجتمع فـــ لازم تكون على قدر هذي الرساله وتحس بأهميت هذي الرساله وبمدى مسؤليتها وتقوم بواجبك على هذه الاساس …….لا تكتفي انهُ انت قدمت درست ودرت وجهك وهاي هي لا انت مطلوب من عندك انهُ تعرف طرق التدريس مطلوب من عندك ان تقدم الدعم النفسي انت مو مطلوب ان تنطي درس وبس انت مطلوب ان تبني تبني طلاب وبالتالي تبني مجتمع … شكراً للجمبع.
– يارب يوصل صوتج لكل الكادر التدريسي ويارب يطور الاداء الى الافضل لكن شنو ألهام الي جاي تشوفينه لهذي القصه الي من خلالها يكدر يقدمه الى الاخرين
– اهم شي بهاي القصه هو الاصرار احنه نظل نحاول مره ومرتين وثلاثه واربع الى ان يتحقق الهدف من الطبيعي جداً وجداً طبيعي انهُ مايتحقق هدفك من اول مره ترى هذه الطبيعي مو انهُ احد يكل الطبيعي انهُ تحقق هدفك من اول مره لا عادي تظل تحاول وتحاول الى ان يتحقق وهذه الي تعلمناه من حيدر الاصرار ماكو يأس مانجحت من اول مره تنجح الثانيه مو الثانيه العاشره ونضل نحاول …. حسين شنو تحب تقدم الحيدر من كلمة
– طبعاً خمس سنوات معانات جداً كبيره خصوصاً اذا كانت تعانيها سبب ماده وحده وتعيد الخمس سنوات على هذي الماده لكن يالنهايه حيدر تخطى وكدر ينجح وهنا وصل رساله انُ لكل الطلبه اذا استمرينا للنهايه راح ننجح خصوصاً اذا كنا نملك الاصرار وما نتهرب من المسؤليه الي علينا واعتقد الكثير من الاشخاص لمجرد انُ سنه او سنتين يرسب بهذي الماده جاي يترك الدراسه فهذي الرساله الي يوصله حيدر للطلبه وكل الشكر الك حيدر ونتمنالك المزيد من التقدم والموفقيه ان شاءالله تتميز بالدراسه وتوصل الى المراحل الي تتمناها وتطمحلها
– اعزائي المستمعين الي يكلك متكدر لا تسمع له دمُتم بخير
– الى هنا مستمعينا الاكرام نصل الى نهاية حلقتنا من برنامج ملهمون استمعوا لنا عبر منصة راديو النجاح في حلقه جديده دمتم في امان الله
