راديو النجاح – برنامج راحة مع إسراء دويكات (لما تصير السعادة قرار) – الحلقة الثالثة
لو سألتك قديش بتحب فلان رح تجاوب فورا
طيب لو سألتك قديش بتحب حالك؟ شو أكثر شي بتحبه فيك؟ و شو أكثر شي بحبوه الناس فيك؟
إذا إنت اليوم ما وصلت للشي يللي بخليك تكون مبسوط و راضي عن حالك إلا لتحققه فصار لازم تسمع مني هالحكي اليوم:
بتعرف لما تكون بتحب حدا و متعلق فيه و بتحب تقعد معه، أنا هيك مع حالي الحدا اللي دايما كنت أدور عليه بشخصية معينة وأحكي لو كان هالحدا موجود بحياتي وقتها رح أصير مبسوطة .
لليوم اللي سألت حالي فيه سؤال :
ليش ما أكون أنا هالحدا؟ فكر من اليوم إيش الشغلات اللي بتحس إنها بتسعدك من صفات و أسلوب و شخصية ..ليش ما تكون فيك ؟
باللحظة اللي بتبلش تغير فيها حالك، هون بتكون متأكد انه السعادة مش إنجاز و لا شي حتى.. طول عمرك بتطمح لتوصله ..
