الحلقه الاولى من برنامج عسل ولوز – السحور
[soundcloud url=”https://api.soundcloud.com/tracks/325828008″ params=”color=ff5500&auto_play=false&hide_related=false&show_comments=true&show_user=true&show_reposts=false” width=”100%” height=”166″ iframe=”true” /]
اهلا وسهلا فيكم مستمعينا عبر اذاعه راديو النجاح بحلقتنا الاولى من برنامج عسل ولوز ,, وبمناسبه بدايه شهر رمضان المبارك بنحب نعايد على مستمعينا
ونحكيلهم كل عام وانتو بخير وان شاءالله بكون بدايه خير على الامة العربيه والاسلاميه.
المعظم ببدايه شهر رمضان عم بفكر شو بدو يحضر ع السحور كونه السحور وجبه مهمه بتساعدنا ع صيام اليوم يلي بعده خصوصي انه نحنا بفصل الصيف وساعات الصيام بتكون
وطبعا من الضروري تكون وجبه السحور وجبة صحية متكامله العناصر الغذائية,,,واحنا كأخصائيات تغذيه بدنا نقدملكم مجموعة من النصائح التغذويه طول شهر رمضان لحتى نحافظ على توازنا خلال فترة الصيام من الفطور لوقت السحور.(بحلقتنا لليوم سألنا مجموعه من الاشخاص عن طبقهم المفضل ع السحورفخلينا نسمع بعض من اجوبتهم مع بعض)
بشهر رمضان بيختلف نمطنا الغذائي عن الايام العاديه ,,في الايام العادية بتتوزع السعرات الحراريه على 3 وجبات رئيسية وبعض السناكات الخفيفه ,,
اما بشهر رمضان بدنا ننتبه انه مجموع السعرات الحراريه رح تتوزع على وجبتين بس وهم وجبة الفطور ووجبة السحور ,,فكيف ممكن نوزع السعرات الحرارية بطريقه صحية بحيث نحافظ على على مستوى السكر بالدم وعلى هضم سليم
وهوون بتجي اهمية السحور لحتى نوزع هي السعرات وما تكون محصورة بوجبة الفطور ,, فازا بدنا نتفق انه وجبة السحور كتير مهمة
لحتى ما يصير عنا تعب واعياء خلال اليوم ,,بدنا نرتكز على انواع الغذاء
يلي ما بتنحرق بسرعه يعني بتكون فترة هضمها اطول بالمعدة ,,واهم عنصرين رئيسيين رح يساعدونا انا ما نجوع بسرعة هم البروتينات والالياف
فلازم نحاول انو نخلي العنصرين هدول يجتمعوا مع بعض بوجبة السحور لحتا نحافظ على الشبع لفترة اطول ونمنع الهبوط المفاجئ لمستوى السكر بالدم يلي بصير عند كتير من الناس يلي ما بتسحروا
هلا بالنسبه للبروتينات يلي ممكن ناخدها ع السحور البيض لازم يكون بأول القائمة بمصادر البروتين عالي الجودة ,,لانه البيض غني بالبروتين والعناصر الغذائيه الاخرى متل الحديد وبعض الفيتامينات والكالسيوم ,,,
وطريقه اعداد البيض برضو مهمه ميسا فلازم نحاول نبتعد عن القلي قدر الامكان لانه
الدهون العاليه رح بتكون ثقيله ع المعدة وما رح تخلي عنا نشاط خلال فترة الصيام , فبنحاول انو البيض يكون مسلوق ,,,وازا حبينا نقليه فبنحاول نقليه بمعلقه زيت وحدة مش اكتر ونبعد عن السمنه والزبدة لانه بتكون كميه الدهون الموجودة فيهم اعلى من زيت القلي العادي او زيت الزيتون.
الاشي التاني الي ممكن نعمله بالبيض انه ممكن ندخل معه الخضرة متل
الاومليت او مفركة البطاطا مع البيض ,,خلطة رائعة وبنفس الوقت بنكون اخدنا الياف من الخضرة الموجودة مع البيض وصار عنا وجبة صحيه غنيه بالبروتين والالياف مع بعض.
ومن الاطباق الرمضانيه المشهورة عنا كمان الحمص باللحمة يلي بنعتبرها من اهم الاطباق يلي بتحتوي ع الالياف والبروتينات مع بعض وبهيك بنكون جمعنا الصنفين بطبق واحد.
ومن الاشيا المهمه يلي المعظم بينساها برمضان بسبب تنوع الاكل وكترة المشروبات والحلويات الفواكه فهي بتحتوي على الالياف والفيتامينات ,,,المهمة يلي جسمنا بحاجة الها
بس الافضل نتناولها بعد ساعه او ساعتين من الفطورلحتا ما يصير عنا عسر هضم بالمعدة.
هلأ بدنا نحكي عن بعض الاكلات يلي ممكن نتناولها ع السحور بس نحنا مو متعودين عليها مع انه الها قيمة غذائية عاليه ,,, ممكن مثلا ندخل حبوب الافطار مع الجوز والمكسرات ,,ووممكن ندخل الحليب ,,اللبن,,الفواكة ,,والشوفان رائع كمان لانه بيحتوي على نسبه الياف عاليه ,,وفي عنا كمان المربى والزبدة وزبده الفستق مع العسل اكلات غنيه بالطاقه والدهون الصحيه .
والتمر كمان مهم جدا وممكن كمان نستبدل الخبز الابيض بخبز القمح لانه بساعد
على المحافظة على مستوى السكر بالدم وبتعطي شعور بالشبع وفي عنا كمان بذور الكتان الغنيه بالالياف .
ولازم نبتعد قدر الامكان عن المنبهات متل الشاي والقهوة والمشروبات الغازيه لانها غنيه بالكافيين لان الكافيين بيعمل على ادرار البول كما انه بيحفز على فقدان الماء.
زكرتيني بشغلة مبارح وحدة ع المسنجر بتسالني بتحكيلي صحيح انو كل ما شربنا مي اكتر ع السحور هاد الشي بقلل من عطشنا فأنا استغربت حكيت معقول في ناس بتفكر بهاي الطريقة
ههههه طبعا ميسا في ناس بفكروا هيك ونحنا بنقول لهدول الناس انه شرب كميات كبيرة من المياه ع السحور ما اله علاقه بتقليل العطش خلال النهار فالواحد انو عادي بشرب لحتا يروا يعني لانه الزياده عن حاجته ما رح يخزنها الجسم ورح يتخلص منها خلال فترة قصيرة
وبنهاية حلقتنا لليوم شكرا الكم مستمعينا وان شاءالله تكونوا استفدتوا واستمتعتوا على امل انو نلتقي فيكم من جديد بحلقة جديدة من برنامج عسل ولوز عبر راديو النجاح.
