الإختيار – الحلقة الأولى
يقال ان بعد كل خيار هناك خيارات اخرى .. فحياتنا هذه ليست خيارا واحدا نؤديه ونستسلم بعدها لكل ما يحدث بنا… كل خيار يفتح سلسلة من الخيارات ، وكل مفترق طريق يحوي خلفه سلسلة من مفترقات طرق .. وفي كل خطوة من خطوات حياتنا يوجد قدران،نختار واحدا منهما بملىء ارادتنا .
مستمعينا في راديو النجاح اهلا وسهلا فيكم بالحلقة الأولى من برنامج الإختيار معي انا سندس الكسواني وخلال البرنامج رح نتناول العديد من المواضيع والكتير منا بحتار فيها وبواجه صعوبة في اتخاذ القرار بخصوصها لهيك رح يكون عنا بكل حلقة موضوع جديد لنحكي ونتناقش ونعرف من اهل الأختصاص المقاييس السليمة للإختيار ونعرف كمان رأي الشباب والصبايا بهاي المواضيع بالإضافة رح يكون معنا بكل حلقة قصة نجاح لأشخاص عرفوا يختاروا صح لنستفيد من تجربتهم .
كتير بنسمع ان نحنا مابنقدر نختار عيلتنا بس بالنسبة لأصدقائنا عنا مطلق الحرية لنختار الصديق لهيك موضوع حلقتنا لليوم كيف نختار اصدقائنا … لهيك سألنا فئات مختلفة شو تعريفك للصديق الحقيقي؟
وضيف حلقتنا الدكتور بلال ايوب استاذ مشارك في جامعة البلقاء ليحدثنا عن اختيار الاصدقاء .
وايضا رح يكون معنا ريهام شريف وايه ابو الحاج لحتى يخبرونا عن قصة نجاح صداقتهم .
وفي نهاية الحلقة كنت معكم انا سندس الكسواني من الاعداد والتقديم وياسمين الزهيري من الهندسة الصوتية انتظروني بحلقة جديدة ومواضيع جديدة .
