قصص نجاح

رواد النجاح – شادي السعدي

راديو النجاح – رواد النجاح – شادي السعدي

 

تخصص الإعلام بالنسبة اللى هو شغف سنين وحلم كبير، من وأنا صغير كنت أتفرج ع التلفزيون على المقابلات وأشوف إعلاميين بس أشوفهم كنت أحكي ياريت أوصل لنفس مكانتهم وأصير شخصية معروفة ومشهورة، وكل يوم عن يوم الحلم بكبر وبتعلق فيه أكتر وبلشت مرحلة التوجيهي وكانت من أصعب المراحل بالرغم إني فشلت فيها بس أعطتني دافع أقوى وأقوى، وتعديت هاي الأزمة ودخلت الجامعة بالرغم الإحباط والكلام السلبي اللى سمعته إنه تخصص مابفيدك وأدرس هندسة وسيبك من الإعلام، ضليت مصمم ودخلت كلية الإعلام وبلشت أتعلم كيف أكتب تقارير وأعد البرامج إلخ…
الجامعة فادتني بس كنت أحس انه في اشي ناقصني وبدي أطور مهاراتي بالجانب العملي.
بيوم من الأيام رنو عليّ راديو النجاح وحكولي انت نقبلت بمنحة صوت الشباب، وكنت كتير مبسوط وفعليا الحلم تحقق وتعلمت كل إشي إله علاقة بالإذاعة وتخصصت بمجال إعداد وتقديم البرامج وحالياً عندي برنامج فني، اللى من زمان بطمح أبين شخصيتي بالإشي اللى بحبه

اظهر المزيد

مقالات ذات صلة

التعليقات